Ырғыз-Торғай резерватының жаңа әкімшілік кешені іске қосылды
Tл үкіметі тарапынан Ырғыз-Торғай мемлекеттік табиғи резерватының жаңа әкімшілік кешенінің құрылысына 327 млн. теңге бөлінген болатын. Ырғыз-Торғай резерваты 2007 жылы құрылып, республикамыздағы тұңғыш далалы-мемлекеттік табиғи резерватқа айналды. Резерват Ақтөбе облысында орналасқан, оның жалпы көлемі 700 мың гектардан асады. Штатында 99 қызметкер бар.
Астана. 21-қазан. Kazakhstan Today - Ырғыз-Торғай резерватының жаңа әкімшілік кешені іске қосылды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, ел үкіметі тарапынан Ырғыз-Торғай мемлекеттік табиғи резерватының жаңа әкімшілік кешенінің құрылысына 327 млн. теңге бөлінген болатын. Ырғыз-Торғай резерваты 2007 жылы құрылып, республикамыздағы тұңғыш далалы-мемлекеттік табиғи резерватқа айналды. Резерват Ақтөбе облысында орналасқан, оның жалпы көлемі 700 мың гектардан асады. Штатында 99 қызметкер бар.
"Ырғыз-Торғай" мемлекеттік табиғи резерваты әкімшілік кешенінің құрылысын Ақтөбе қаласының "ҚазПромСтройГрупп" ЖШС жүзеге асырды. Құрылыс 2009 жылғы қыркүйекте басталып, 2011 жылдың қазан айында аяқталды. Икімшілік кешеннің алқабы 2 гектар жерді алып жатыр.
Кешен үш қабатты әкімшілік үйінен, 14 автокөлікке арналған автотұрақтан, шеберхана, қазандық үйінен, бақылау-өткізу бекетінен және инспекторлық кордоннан тұрады.
"Ырғыз-Торғай" мемлекеттік табиғи резерваты кешенінің әкімшілік және көмекші нысандарын енгізу өңірдің биологиялық әртүрлілігін сақтауды қамтамасыз ету жөнінде қызметкерлерге жүктелген міндеттерді тиімді жүзеге асыруға мүмкіндік береді.
Резерватты құрудың негізгі мақсаты сайын даланың символы болып табылатын киіктердің бетпақдала таралымын қорғау мен сақтауды қамтамасыз ету болып табылады.
Жалпы алғанда киіктер санының үрдісі баяу болса да бірқалыпты өсіп келеді. Киіктердің бетпақдала таралымы 2007 жылы 22,8 мыңнан 2011 жылы 78 мыңға дейін көбейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.