Израиль Қазақстанныӊ агроиндустриясына 1 миллиард долларға дейін қаржы салуға әзір
Инвестициялар ет-сүт, жеміс-көкөністі өнімдерді өӊдеу; жылыжай шаруашылықтарын құру; заманауи қоймалар мен салқындату жүйелерініӊ құрылысы; суару жүйесін құру; аграрлық оқыту орталықтарын ашу; балық шаруашылықтарын құру; өндірілген өнімді шетел нарықтарына жеткізуді ұйымдастыру сияқты жобаларға бағытталатын болады.
Астана. 10 тамыз. Kazakhstan Today - Израиль қазақстандық агробизнесті қаржыландыру үшін 1 миллиард доллар бөлуге әзір. Инвестициялар ет-сүт, жеміс-көкөністі өнімдерді өӊдеу; жылыжай шаруашылықтарын құру; заманауи қоймалар мен салқындату жүйелерініӊ құрылысы; суару жүйесін құру; аграрлық оқыту орталықтарын ашу; балық шаруашылықтарын құру; өндірілген өнімді шетел нарықтарына жеткізуді ұйымдастыру сияқты жобаларға бағытталатын болады.
Бұл туралы "Аграрлық несие корпорациясы" АҚ мен израильдік "Polevoi Group" Агроконсорциумыныӊ өкілдерімен Астанада өткен кездесу барысында белгілі болды. Корпорация басшылығы израильдіӊ қаржыландыру және ауыл шаруашылығы саласыныӊ мамандарымен ынтымақтастықтыӊ бағыттарын талқылады.
"Polevoi Group" Агроконсорциумыныӊ өкілдері еліміздіӊ ауыл шаруашылығына тиесілі барлық саладағы жобаларға ат салысуға дайын екендіктерін жеткізді. Израильдік тарап кәсіпорындарды бірігіп қаржыландыру үшін жобалық құныныӊ 85 пайызға дейінгі көлемде ұзақмерзімді қарыздарды ұсынып отыр.
Басты бағыттардыӊ бірі Қазақстандық аграрлық-өнеркәсіптік кешенге израильдіӊ заманауи ауыл шаруашылығы жабдықтары мен технологиясын тарту болып табылады. Бұныӊ барлығы қос тарап бірлесіп құрған кәсіпорындардыӊ базасында жүзеге асады. Консорциум әлемніӊ жетекші өндірушілерімен бірлесіп Қазақстан аумағында ауыл шаруашылығы техникасыныӊ өндірісін жандандыруға дайын.
Өз кезегінде "Аграрлық несие корпорациясы" АҚ өкілдері халықаралық ынтымақтастық үшін толықтай ашық екенін жеткізді. Израильдік делегация сапарыныӊ қорытындысы бойынша келісім бекіді. Құжат - ауыл шаруашылығындағы жобаларды ортақ қаржыландырудыӊ талаптары мен кепілмен қамтамасыз етуін қамтиды.
Айта кеткен жөн, бұл кездесуге Премьер-министрдіӊ орынбасары, ҚР ауыл шаруашылығы Министрі Асқар Мырзахметовтыӊ 2017 жылдыӊ 6 сәуіріндегі Израильге жасаған жұмыс сапары ұйытқы болды. Сапар барысында министр 2017 жылдыӊ 31 қаӊтарында Елбасы Нұрсұлтан Назарбаевтыӊ халыққа жасаған Жолдауы туралы айтқан еді. Израильдік тарап Жолдауды мұқият зерттеп, экономиканыӊ локомотиві ретінде Қазақстандағы ауыл шаруашылығы саласын дамыту бастамасына қызығушылығын танытқан болатын.
Анықтама үшін:
"Аграрлық несие корпорациясы" АҚ бәсекеге қабілетті ауыл кәсіпкерлігін дамытуды ынталандыратын қолжетімді несиелендіру жүйесінқалыптастыру бойынша мемлекеттік саясатты жүзеге асырып келеді.
Корпорация "ҚазАгро" ұлттық басқарушы холдингі компаниялар тобыныӊқұрамына кіріп, соныӊ тікелей жетекшілік етуімен Қазақстанныӊбарлық облыстарында орналасқан 13 филиал мен өкілдіктерінде өз қызметін жүзеге асыруда ауқымды жұмыстарды атқарып отыр.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.