Қ.Келімбетов: БЖЗҚ кірістері инфляциядан 2 есеге артық
Астана. 15 Шілде. Kazakhstan Today - "Бірыӊғай жинақтау зейнетақы қоры" акционерлік қоғамыныӊ зейнетақылық активтерініӊ кірісі инфляциядан 2 еседен астам көп, деп хабарлады Ұлттық банк төрағасы Қайрат Келімбетов Орталық коммуникациялар қызметінде қаржы секторындағы жағдай мен 2015 жылдыӊ бірінші жартыжылдығыныӊ қорытындыларына байланысты өткен баспасөз мәслихатында, деп хабарлайды Kazakhstan Today агенттігініӊ тілшісі.
"БЖЗҚ зейнетақылық активтерініӊ көлемі инфляциядан екі есеге көп, 2015 жылдыӊ бірінші жартысында ол 3,04 пайызды құрады, ал теӊгеніӊ құнсыздану деӊгейі 1,4 пайыз болды. Жалпы алғанда, 2015 жылы Ұлттық банк сатып алған құнды қағаздардыӊ орташа кірістері 8,3 пайызды құрады",-деді Қ.Келімбетов, деп хабарлайды strategy2050.kz тілшісі.
Оныӊ сөзінше, 2015 жылдыӊ 1-шілдесіндегі жағдай бойынша, БЖЗҚ-ныӊ зейнетақылық активтерініӊ көлемі 5 трлн-ға жуық теӊгені құрап, өсім 9,1 пайызды құрады.
"2015 жылдыӊ бірінші жартысында Ұлттық банк зейнетақылық активтерді БЖЗҚ Инвестициялық декларациясына сай, яғни 560,4 млрд теӊге көлемінде инвестициялады",-деді Қ.Келімбетов.
Оныӊ айтуынша, алдағы уақытта БЖЗҚ-ныӊ инвестициялық саясаты Мемлекет басшысы басқаратын кеӊес арқылы нақтыланады.
"Мемлекет басшысына жолданған БЖЗҚ-ныӊ инвестициялық саясатын Ұлттық қорды басқару жөніндегі кеӊес анықтайтын болады және оны Мемлекет басшысы басқарады, ал кеӊестіӊ құрамына Парламент спикерлері мен Премьер-Министр және мемлекеттіӊ өзге де басшылары кіреді",-деді ол.
Қ.Келімбетов БЖЗҚ-ныӊ инвестициялық декларациясыныӊ инвестициялық декларациялармен салыстырғанда зейнетақы қорларыныӊ жеке иелікте болғанындағыдай үлкен өзгерістерге ұшырамағандығын атап өтті.
"50 пайызға жуық салымдар Қаржы министрлігінӊ мемлекеттік құнды қағаздары. Ал біз даму институттары мен ұлттық компанияларыныӊ қағаздарына салым саламыз ба ? Бізде қазақстандық несие компаниясына салым салу туралы нақты жоспарларымыз бар. Сонымен қатар біз "Халықтық IPO" сияқты бағдарламаларды қолдайтын боламыз. Бізде осындай жоспарлар бар, дегенмен біз негізгі екпінді мемлекеттік құнды қағаздарға салғанды дұрыс деп отырмыз, сонымен қатар біз екінші деӊгейлі банктерді қолдаймыз",-деп қорытты ол.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.