Қарағанды облысы мен Қазақ агротехникалық университеті агроөнеркәсіп кешені саласындағы өзара тиімді ынтымақтастық жөніндегі меморандумға қол қойды
Келісімніӊ мақсаты - агроөнеркәсіпті дамыту және ЖОО ғалымдарыныӊ ғылыми әзірлемелері арқылы оныӊ бәсекеге қабілеттілігі мен тиімділігін арттыру.
Қарағанды. 3 наурыз. Kazakhstan Today - Бүгін Қарағанды облысыныӊ әкімі Нұрмұхамбет Ибдібеков және Қазақ агротехникалық университетініӊ ректоры Ақылбек Күрішбаев конференция барысында облыс пен университет арасындағы агроөнеркәсіп кешені саласындағы өзара тиімді ынтымақтастық жөніндегі меморандумға қол қойды. Келісімніӊ мақсаты - агроөнеркәсіпті дамыту және ЖОО ғалымдарыныӊ ғылыми әзірлемелері арқылы оныӊ бәсекеге қабілеттілігі мен тиімділігін арттыру.
Астанадағы ЖОО-да өткен конференцияға ҚР ауыл шаруашылығы бірінші вице-министрі Қайрат Айтуғанов, аудандардыӊ, қалалардыӊ әкімдері, жер комитеттерініӊ, жер өойнауын пайдалану басқармаларыныӊ, ветеринарлық коммуналдық кәсіпорындардыӊ, ауыл шаруашылық құрылымдардыӊ, аӊ аулау және балық шаруашылығы субъектілерініӊ басшылары, сондай-ақ, университет ғалымдары қатысты.
"Бүгін ҚазАТУ-ға білім ордасыныӊ ғылыми мүмкіндіктерін біздіӊ агроөнеркәсіптік кешеніміздіӊ өнімділігі мен тиімділігін арттыру мақсатында тарту үшін келдік. Мемлекет басшысы өз Жолдауында аграрлық секторды экономиканы дамытудыӊ драйверлерініӊ біріне айналдыру міндетін алға қойды. Қарағанды облысында бұл үшін барлық мүмкіндіктер бар деп санаймыз. Агроөнеркәсіптік кешенді экономиканыӊ драйверіне айналдыру үшін ғалымдардыӊ ғылыми әзірлемелеріне сүйену керек", - деді Н. Ибдібеков.
Құжатқа сәйкес, ЖОО әкімдіктіӊ ауыл шаруашылық жұмыстарына ғылыми сүйемелдеу жасайды. Осылайша, ғылымға сүйене отырып, және озық технологияларды енгізу арқылы агроөнеркәсіптік кешен жаӊа белестерді бағындырады - тиімді әрі бәсекеге қабілетті болады, әрі болашақта экспортқа шығады.
ЖОО ректорыныӊ айтуынша, қазіргі кезде ғалымдардыӊ ғылыми әзірлемелері жекелеген шаруашылықтарда қолданылады, бірақ әзірлемелер әлдеқайда ауқымды деӊгейге - облысқа шығуға мүмкіндік береді.
"Біз қолда барын іспен көрсеткіміз келеді: шығымдылықты, малдыӊ өнімділігін, ауыл шаруашылығыныӊ тиімділігін қалай көтере аламыз. Ынтымақтастық үш бағыт бойынша жүруі керек: отандық аграрлық ғылым әзірлемелерін өндіріске енгізу, шетелдік технология трансферті; облыстыӊ агроөнеркәсіптік кешенін жас білікті мамандармен қамтамасыз ету; облыстыӊ тауар өндірушілерініӊ арасында білім тарату", - деп атап өтті А. Күрішбаев.
Кездесу барысында ғалымдардыӊ баяндамалары тыӊдалды: Б. Майқановтыӊ ветеринария, балық шаруашылығын және аквамәдениетті, аӊ аулау шаруашылығын дамыту бойынша; Н. Қажғалиевтыӊ селекциялық-тұқымдық жұмыс және мал шаруашылығы өнімдерін өндіру технологиялары; Н. Серекпаевтыӊ жер өӊдеу бойынша; Ф. Ермековтыӊ жерге орналастыру және ГАЖ технологиялары бойынша; А. Исмаиловтыӊ ауылдағы кооперация бойынша; сондай-ақ жерлерді нүктелі иеру мәселелері (ауыл шаруашылық менеджментініӊ жоғары технологиялық жүйесі) және өндірістіӊ техникалық жабдықталуын арттыру бойынша.
Айта кетейік, сондай-ақ ЖОО өндіріске отандық аграрлық ғылымныӊ әзірлемелерін, шетелдік технология трансфертін, кадрлық қамтамасыз ету мен біліктілікті арттыру, ауылдарда кооперацияны дамыту, сондай-ақ, ауыл шаруашылық өндірушілер арасында қазіргі заманғы білімді тарату арқылы Қарағанды облысыныӊ агроөнеркәсіптік кешені субъектілеріне практикалық көмек пен ғылыми сүйемелдеуді ұсынды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.