Қарағанды облысында 2013 жылы 33 мыңға жуық азамат жұмыспен қамтылды
2013 жылы Қарағанды облысында жұмыспен қамту орталығы арқылы 32 878 адам немесе өтініш бергендердің 95% жұмыспен қамтылды.
Алматы. 3 ақпан. Kazakhstan today. 2013 жылы Қарағанды облысында жұмыспен қамту орталығы арқылы 32 878 адам немесе өтініш бергендердің 95% жұмыспен қамтылды.
Жалпы, Қарағанды облысы бойынша 2013 жылы 6555 жаңа жұмыс орны ашылып, екі қолға бір күрек іздеген 32878 адам (өтініш бергендердің 95%) жұмыспен қамту қызметі арқылы жұмысқа орналасты. Қоғамдық жұмысқа 9094 жан жіберілді.
Негізі, 2013 жылы барлық экономиканың салалары бойынша көрсеткіштерге қол жеткізіліп, жыл жемісті аяқталды, деп әкімдіктен хабарлады.
Сонымен қатар, өндірістік өнімнің көлемі 1 трлн 398,1 млрд теңгені құрады. Физикалық индекс көлемі 2012 жылмен салыстырғанда - 102,1%-ға жетті. Жалпы ауыл шарушылығы өнімі 47,7 млрд теңгені құрап, 2012 жылмен салыстырғанда 11,8%-ға өсті. Ал, шағын және орта бизнес субъектілері 548 млрд теңгеге өнім мен қызмет көрсетті. Бұл көрсеткіш 2012 салыстырғанда 103,4% құрады.
Сондай-ақ, өткен жылы негізгі капиталға 403,4 млрд теңге инвестицияланды, ол 2012 жылдың көрсеткішімен салыстырғанда 18,2 пайызға жоғары. Бір жарым есеге құрылыс жұмыстары өсіп 213,6 млрд теңгені құрады. Сыртқы тауар айналым 9 млрд 718 млн АШ долларына тиесілі.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.