Қарағанды облысында ауылшаруашылық кооперациясын түсіндіру жөніндегі ҚР АШМ жұмыс тобыныӊ АӨК өкілдерімен кездесуі өтті
Қордыӊ өкілі Армат Байзақовтыӊ айтуы бойынша, облыста қазіргі уақытта 92 мыӊ жеке қосалқы шаруашылық (ЖҚШ) бар. Олар сүттіӊ барлық көлемініӊ 79,8%-ын, сиыр етініӊ 74,5%-ын, көкөністіӊ 46%-ын өндіреді.
Астана. 2 ақпан. Kazakhstan Today - Шаруалар кооперативтерге біріге отырып өз жерініӊ иесі болып қалады, өзініӊ заӊды мәртебесі мен мүлкін сақтап қалады. Алайда, осы ретте олар өз өндірісін дамытуға және пайда алу үшін үлкен мүмкіндіктерге ие болады. Бұдан басқа, кооперация түрлі мемлекеттік қолдауға қолжетімділікті кеӊейтеді. Бұл туралы Қарағанды облысында өткен АӨК өкілдерімен ауылшаруашылық кооперациясын түсіндіру жөніндегі ҚР АШМ Жұмыс тобыныӊ кездесуінде айтылды,- деп хабарлайды "Қазагро" АҚ баспасөз қызметі.
Бүгінгі күні Қазақстанныӊ барлық өӊірлерінде ауылшаруашылық кооперациясыныӊ негізі бойынша, кооперативтерге біріккен ауылдағы шағын нысандағы шаруашылықты жүргізуді мемлекеттік қолдаудыӊ жаӊа механизмдері туралы түсіндіру жұмыстары жүргізіліп жатқанын естеріӊізге саламыз. Қарағанды облысыныӊ тоғыз ауданындағы ауыл тұрғындарымен кездесу және ақпараттық жұмыс жүргізетін топқа "ҚазАгро" ұлттық холдингініӊ құрамындағы - Ауыл шаруашылығын қаржылай қолдау қорыныӊ және Қарағанды өсімдік шаруашылығы және селекция ҰЗИ өкілдері кірген.
Қордыӊ өкілі Армат Байзақовтыӊ айтуы бойынша, облыста қазіргі уақытта 92 мыӊ жеке қосалқы шаруашылық (ЖҚШ) бар. Олар сүттіӊ барлық көлемініӊ 79,8%-ын, сиыр етініӊ 74,5%-ын, көкөністіӊ 46%-ын өндіреді. Жалпы республика бойынша 1,5 млн. астам ЖҚШ жұмыс істейді, олардыӊ өндіріске үлестік салымы мынадай: ет 62%-ды, сүт -80%-ды құрайды. АШМ тұжырымдылық ұсынысы ЖҚШ және шағын шаруа қожалықтарыныӊ, фермерлік шаруашылықтардыӊ өндірістіӊ және ауылдағы өмір сүру деӊгейініӊ қозғаушы күші ретіндегі әлеуетін пайдалану үшін кооперацияны көлемді дамытудан тұрады.
Топтыӊ түсіндіру жұмысы Қарағанды облысы әкімініӊ ауыл шаруашылығы жөніндегі орынбасары Шагурашид Мамалиновтыӊ қатысуымен өткен селекторлық кеӊестен басталды және Бұхар-Жырау және Абай аудандарыныӊ ауыл тұрғындарымен өӊірлердегі кездесулеріне жалғасты.
Талқылау барысында атап өтілгендей, шағын түрдегі шаруашылық жүргізудіӊ негізгі проблемаларыныӊ қатарында - өндірілген өнімді кепілдікпен өткізудіӊ және оны нарыққа дейін немесе қайта өӊдеуші кәсіпорындарға дейін жеткізу мүмкіндіктерініӊ болмауы; салынған қаражатты жаппайтын сатып алу бағасыныӊ төмен болуы; жоғары шығындар мен тұқымды, тыӊайтқыштарды, ЖЖМ, жемшөптерді сатып алуға қажет қаражаттыӊ болмауы; жеке ауылшаруашылық техникасыныӊ, жабдықтардыӊ, көліктіӊ болмауы; мемлекеттік қолдау шараларына (инвестициялық субсидиялар, жеӊілдікті несиелер және басқалар)қол жетпеу.
Осы ретте, ауылшаруашылық кооперативтеріне бірігудіӊ айқын пайдасы атап өтілді -өнімді делдалдыӊ көмегінсіз тиімді өткізуді бірлесіп ұйымдастыру; өнімді сақтау және қайта өӊдеуді бірлесіп ұйымдастыру (көкөніс сақтау қоймасы, сүт қабылдау пункті, бордақылау алаӊы, жемшөп цехы); мемлекеттік қолдауға қолжетімділік (жеӊілдікті несиелендіру, өнім өндіруге арналған ауылшаруашылық техникасы мен жабдықтарды сатып алуғаинвестициялық субсидиялар) және т.б.
Ауылшаруашылық кооперациялары мәселелері бойынша ақпараттық-анықтамалық бірыӊғай call-центр іске қосылғанын атап өту қажет. 8 8000 80 80 10нөмірі бойынша(барлық бағыт бойынша қоӊыраулар тегін) Қазақстанныӊ әр тұрғыны ауылшаруашылық кооперацияларын құру мәселелері бойынша, кооперативтерді мемлекеттік қолдау түрлері, қаржыландыру шаралары, кооперативке қатысушылар үшін артықшылықтар туралы консультация ала алады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.