Қарағанды облысында бір жылда ғылыми зерттеу және тәжірибелік-конструкторлық әзірлемелерге 4,3 млрд теӊге жұмсалды
Қарағанды облысында бір жылда ғылыми зерттеу және тәжірибелік-конструкторлық әзірлемелерге 4,3 млрд теӊге жұмсалды. Бұл туралы Kazakhstan Today тілшісіне облыс әкімініӊ орынбасары Марғұлан Кәрібеков хабарлады.
Қарағанды. 19 маусым. Kazakhstan Today - Қарағанды облысында бір жылда ғылыми зерттеу және тәжірибелік-конструкторлық әзірлемелерге 4,3 млрд теӊге жұмсалды. Бұл туралы Kazakhstan Today тілшісіне облыс әкімініӊ орынбасары Марғұлан Кәрібеков хабарлады.
"Жаӊа инновациялық секторларды дамыту мен ғылыми сыйымдылығы жоғары салаларды құру мәселелерін отандық ғылымды дамытпай тұрып шешу мүмкін емес. Инновациялық секторлар дегеніміз, "жаӊа экономика" деген атауға ие болған бағыттардыӊ барлығы, олардыӊ дамуы көбінесе мобильдік және мультимедиялық технологиялар, нанотехнологиялар, роботтық техника және келешектіӊ энергиясын іздеу және ашу салаларындағы ғылыми зерттеулер мен әзірлемелердіӊ нәтижесіне қарай айқындалады. Статистикалық мәліметтерге сәйкес, 2016 жылы облыстағылыми зерттеу және тәжірибелік-конструкторлық әзірлемелермен айналысушы ұйымдар мен кәсіпорындардыӊ саны 33 бірлікті құрады, ал оларға жұмсалған ішкі шығындар 4,3 млрд теӊгеге жетті. Салыстырып айтар болсақ, 2015 жылы мұндай жұмыстармен 32 ұйым айналысқан, ал ішкі жұмсалған қаржы мөлшері 3,6 млрд теӊгені құрады", - деді облыс әкімініӊ орынбасары.
Атап айтқанда, оныӊ сөзінше, ҚарМТУ "Жайрем Тау-кен байыту комбинаты" АҚ, "Industrial Energy Alliance" ЖШС, "KazGeoScan" Ғылыми техникалық орталығы" ЖШС және "Евразиялық энергетикалық корпорациясы" АҚ-мен ғылыми зерттеу жұмыстарын жүргізуге шарт жасасты. Сондай-ақ, ҚарМТУ Мемлекеттік индустриялық-инновациялық даму бағдарламасыныӊ шеӊберінде "Металлургиядағы нанотехнологиялар", "Роботты техника. Басқару жүйелері" атты профильдік магистратуралық екі білім беру бағдарламасын әзірледі, бұл облыстағы тау-кен-металлургиялық секторды дамыту жөніндегі басым бағытқа сай келеді.
Кәрібековтыӊ айтуынша, Қарағанды облысында қазіргі бар өндірістерді модернизациялауға бағытталған ғылыми зерттеулердіӊ нәтижелерін коммерцияландыруды жүзеге асырушы шағын инновациялық компанияларды дамытуға септігін тигізуді "Сарыарқа" техносаябағы жүзеге асырады.
"Техносаябақ 2015-2016 жылдары ҚР Білім және ғылым министрлігі, "Ғылым қоры" АҚ және "Технологиялық даму жөніндегі ұлттық агенттігі" АҚ-ныӊ гранттық қаржыландыруын алу жөніндегі өтінімді дайындау бойынша 30-дан астам жобаға қолдау көрсетті, солардыӊ ішінен 7 жоба грантқа ие болды", - деді облыс әкімініӊ орынбасары.
Атап айтқанда, оныӊ хабарлауынша, мынадай жобалар грантқа ие болды:
1) "Протом" ЖШС-ніӊ ТОМ-1 және ТОМ-2 булф өнеркәсіптік жылыту қазандықтарын сериялы түрде өндіруді жолға қою жобасы;
2) Биоорганикалық гуминдік тыӊайтқыштар өндірісі (ылғалұстаушы және өсімді ынталандыру белсенділігі бар, экологиялық таза, малшаруашылығы қалдықтары мен тотықтандырылған көмір гуматыныӊ негізіндегі тыӊайтқыштар, "Интеллект" ЖШС);
3) Мультимедиялық және мультиплатформалы электрондық оқулықтар жасау бойынша бағдарламалық жасақтама кешенін әзірлеу, "Арго-16" ЖШС;
4) Пайдалы қазба шикізатын құрғақ байыту тәсілі, "ТУТАС" ЖШС;
5) Жасыл шөптер, көкөністер мен жемістерді үй және жылыжай жағдайында өсіру бойынша тік аэропонды қондырғылар өндірісі, Шунгулов А.А.;
6) "Кокс химиясыныӊ қосалқы тауарлық емес өнімдерінен тауарлық аммоний сульфатыныӊ өнеркәсіптік үлгісін өндірудіӊ технологиясын жасау", "Инновация" ЖШС;
7) Габаритті полимербетон бұйымдар өндіретін желі жасау, "Өтеміс LTD" ЖШС.
"Кәсіпкерлікті қолдау картасыныӊ жобаларын іріктеген кезде де экономика салаларында жаӊа технологияларды дамыту жағы қарастырылады. Облыста машина жасау, фармацевтика, құрылыс индустриясы және АӨК салаларында жаӊа өнім түрлерін өндіретін мынадай кәсіпорындар құрылған: "NORD пром НС" ЖШС-ніӊ бетон теміржол шпалдары; "Kaz-metiz" ЖШС-ніӊ құрыш канаттары мен сымдары; "ККК Бетон" ЖШС-ніӊ іріпанельді үй құрылысы элементтері бар темірбетон бұйымдары; "Изоплюс Центральная Азия" ЖШС-ніӊ алдын-ала оқшауланып қапталған болат құбырлары; "Бёмер Арматура" ЖШС-ніӊ шарлы крандары;"Эпостим" КФК-ніӊ алдын-ала шприцке толтырылған дәрі-дәрмектері; Евразия Инвест Ltd." ЖШС-ніӊ сублимациялық тәсілмен бие сүтін, яғни саумал өндіру тәсілі", - деді Кәрібеков.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.