Қарағанды облысында Индустрияландыру картасына енгізілетін жобалар қаралды
Қарағанды облысында ҮИИД мемлекеттік бағдарламасын іске асыру бойынша координациялық кеңестің кезекті отырысы өтті, онда Индустрияландыру картасы, сонымен қатар іске асырылып жатқан "Бизнестің жол картасы-2020" бағдарламасы мен моноқалаларды дамыту бағдарламасына енгізуге ұсынылған бірқатар жобалар қаралды.
Алматы. 26 маусым. Kazakhstan today. Қарағанды облысында ҮИИД мемлекеттік бағдарламасын іске асыру бойынша координациялық кеңестің кезекті отырысы өтті, онда Индустрияландыру картасы, сонымен қатар іске асырылып жатқан "Бизнестің жол картасы-2020" бағдарламасы мен моноқалаларды дамыту бағдарламасына енгізуге ұсынылған бірқатар жобалар қаралды.
Облыс әкімдігінің баспасөз қызметінің хабарлауынша, Индустрияландыру картасына енгізу үшін екі жоба ұсынылған. Олар "Қарағанды-нан" өндірісін кеңейту мен жаңғырту" және "Осакаровка ауданындағы "Табыс Агро Д" ЖШС асыл тұқым құру".
Жобаның біріншісінің жалпы құны 600 млн теңгеден асады. Қуаттылығы жылына 1800 тонна макарон және қатты бидай сұрыптарын шығаруға жетеді. Екінші жобаның құны шамамен 405 млн теңге көлемінде. Оның жобалық қуаттылығы 400 бас асыл тұқымды мал басы мен 25 тонна ет, ақшаға шаққандағы көрсеткіші 354 млн теңге. Қазіргі таңда мұнда 350 басқа арналған 4 мал шаруашылығы базасы құрылған және жұмыскерлерге арналған 40 екі пәтерлі үй салынған.
"Бизнестің жол картасы-2020" бағдарламасы бойынша "Kaz-metiz" ЖШС болат арқандар өндірісі жобасы мен "СП Оптим-кран Қазақстан" ЖШС дәнекер крандары өндірісі жобасы қаралды. Сонымен қатар, автожөндеу кәсіпкерлігіне күрделі жөндеу мен өзге де жобалар күн тәртібіне қойылды.
Моноқалаларды дамыту бағдарламасы аясында Балқаш пен Теміртаудың жобалары талқыланды. Соның ішінде "Тастемір" ЖШС асфальтбетон өндірісін жаңғырту мен "Метал-Инвест KZ" ЖШС станок паркін жаңғырту және "Ткачев" ЖК жүк тасымалына техника алу жайы қарастырылды.
Шарада Қарағандыда индустриялды аймақ құру мәселесі де ортаға тасталды. Атап айтар болсақ аталмыш істің қолға алынуы жаңа кәсіпкерліктерге коммуналдық инфрақұрылымдар шығынын оңтайландыруға мүмкіндік беретіні айтылды.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.