Қарағанды облысыныӊ әкімі ТКШ дамыту үшін Еупопалық қайта құру және дамыту банкімен ынтымақтастық орнату мүмкіндігін қарастыруды тапсырды
Сонымен қатар аппараттық жиналыста туризм мәселесі талқыланды. Ерлан Қошанов Балқаш, Приозерск қалаларында, Ұлытау және Қарқаралы аудандарында туристерді тарту үшін инфрақұрылымды дамыту жоспарын құруды тапсырды.
Қарағанды. 11 қыркүйек. Kazakhstan Today - Бүгін Қарағанды облыстық әкімдікте өткен аппараттық жиналыс барысында 4-ші қыркүйекте Парламент палаталарыныӊ біріккен отырысында айтылған Елбасыныӊ тапсырмалары талқыланды,- деп хабарлайды Kazakhstan Today.
Бірінші мәселе қоғамдық сананы жаӊғырту бағдарламасын жүзеге асыру төӊірегінде болды. Облыс әкімі Ерлан Қошанов бұл бағытта аймағымызда жемісті жұмыстар атқаралып жатқанын тілге тиек етті: облыста 275 шара жүзеге асырылуда. Жалпы сомасы 7 млрд теӊгені құрайтын жобалар іске қосылған, оныӊ ішінде 4 млрд теӊге - жеке инвестициялар.
Ир бағыт бойынша аймақ басшысы нақты тапсырмалар берді.
- Нұрсұлтан Назарбаевтыӊ біздіӊ алдымызға қойған міндеттердіӊ бірі - осы жылдыӊ соӊына дейін аймақтағы жалпы ішкі өнім өсімін 2,1%-ға дейін жеткізу, - деді Ерлан Қошанов. - Біз облыс бойынша орындалатын шаралар жоспарын құрдық, барлық аймақтарда ол орындалуы тиіс. Асылбек Дүйсебаев, сізге бұл жағдайды бақылауға алуыӊызды, ал желтоқсан айында келесі жылға арналған жоспар ұсынуыӊызды тапсырамын. Басты назар мультипликативті нәтиже беретін бағыттарға аударылуы тиіс.
Келесі бағыт - ТКШ жаӊғырту. Ел Президенті бұл саланы потенциалды инвесторлар үшін тартымды болатындай етуді, мемлекеттік-жеке меншік серіктестік механизмдерін кеӊірек қолдануды тапсырды. Бұл ретте облыс әкімі Еупопалық қайта құру және дамыту банкімен ынтымақтастық орнату мүмкіндігін талқылауды тапсырды.
Аграрлық-өнеркәсіп кешенін дамытуға да ерекше көӊіл бөлінді.
- Басым бағыттарға ерекше көӊіл бөліп, жаӊа резервтерді іздеу керек, мен ол туралы барлық іс сапарларымда айтудан жалықпаймын, - деді Ерлан Қошанов. - Ол дегеніміз жерлерді игеру, егістік алқаптарына майлы дақылдар мен бұршақ секілді еӊ қажетті дәнді-дақылдарды егу. Мал шаруашылығында жем өндірісін үдету керек. Барлық аймақтарда мал басыныӊ азаюы байқалуда. Ауылшаруашылық кооперативтеріне ерекше назар аудару керек. Біздіӊ көптеген аудандарымызда кооперативтер тек қағаз жүзінде ғана. Оған мен жұмыс сапарларымныӊ барысында көз жеткіземін.
Жағдайды түзету үшін аймақ басшысы ауылшаруашылық кооперативтері қалай құрылып, сонан соӊ қаншалықты жұмыс істейтінін бақылауды тапсырды.
Сонымен қатар аппараттық жиналыста туризм мәселесі талқыланды. Ерлан Қошанов Балқаш, Приозерск қалаларында, Ұлытау және Қарқаралы аудандарында туристерді тарту үшін инфрақұрылымды дамыту жоспарын құруды тапсырды.
Жиналыс соӊында Ерлан Қошанов Елбасыныӊ жаӊғырту барлық күшті жұмылдыруды талап етеді, сондықтан жергілікті атқарушы органдар барынша ынтамен және бірлесіп жұмыс істеуі керек деген сөздерін еске салды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.