Қарағанды облыстық әкімдігі инвестициялық келісімдер бойынша бірқатар меморандумдарға қол қойды
Қарағанды. 27 сәуір. Kazakhstan Today - Қарағанды облыстық әкімдігі бүгін "KaragandaInvest-2016" Халықаралық форумы шеӊберінде Қарағанды облысыныӊ экономикалық және әлеуметтік дамуы саласындағы ынтымақтастық шарттарын айқындайтын жергілікті және халықаралық меморандумдар мен инвестициялық келісімдерге қол қойды, деп хабарлайды форум баспасөз қызметі.
Атап айтсақ, Қарағанды облысы әкімініӊ орынбасары Инуар Ахметжанов Қарағанды, Атырау және Солтүстік Қазақстан облыстарыныӊ өӊіраралық ынтымақтастығы туралы меморандумға Атырау облысы әкімініӊ бірінші орынбасары Гумар Дүйсембаевпен және Солтүстік Қазақстан облысы әкімініӊ орынбасары Мұхтар Манкеевпен бірлесіп қол қойды, деп хабарлайды Kazakhstan Today.
Сондай-ақ, инвестициялық форум шеӊберінде Қарағанды облыстық әкімдігі Қарағанды облысыныӊ экономикалық және әлеуметтік дамуы саласындағы ынтымақтастық шарттарын айқындайтын меморандумдарға қол қойды, деп хабарлайды баспасөз қызметі.
ҚР Қарағанды облысыныӊ әкімдігі мен Түркия Республикасыныӊ Эскишехир провинциясыныӊ үкіметі арасындағы 2016-2018 жылдарға арналған ынтымақтастық және туыстастық байланыс орнату туралы келісімді жүзеге асыру іс-шараларыныӊ жоспарына қол қойылды.
Global Lime Industries ЖШС жүзеге асырып отырған металлургиялық, химиялық және азық-түлік өнеркәсібі кәсіпорындарыныӊ мұқтаждығын қамтамасыз ету үшін бірінші сұрыпты әктас өндіру зауытын салу жобасына қатысты Қарағанды облысыныӊ әкімдігімен өзара ынтымақтастық туралы меморандум бекітілді. Зауыт Осакаровск ауданында салынады. Жаӊа зауытты іске қосу нәтижесінде 105 жаӊа жұмыс орнын құруға мүмкіндік тумақ.
Бұған қоса Karachaganak Petroleum Operating B.V. (КПО) компаниясыныӊ мердігері - "Топан" ЖШС (Орал қаласы) және "Қазақстанныӊ метрология институты" РМК (КазИнМетр) (Қарағанды қаласы) арасындағы тексеру мақсатындағы газ қоспасын өндіруге бағытталған ұзақ мерзімді шартқа қол қойылды. Қарашығанақ кенішініӊ мұқтаждықтарына арнап Жергілікті үлесті дамыту бағдарламасыныӊ шеӊберінде бұған дейін шетелдік жеткізушілерден сатып алынып келген тауарлар, жұмыстар мен қызметтерді жергілікті жерден алу арқылы Қазақстанда өндірілген тексеру газыныӊ жеткізілімін қамтамасыз ету мүмкіндігі КПО бастамасымен жүзеге асты. Шартқа КПО мен Қарағанды облысыныӊ әкімдігі арасындағы өзара түсіністік туралы 2015 жылғы 9 желтоқсандағы меморандумды жүзеге асыру бойынша КПО, Қарағанды облысыныӊ әкімдігі мен Қарағанды облыстық кәсіпорындардыӊ қатысуымен өткізілген кездесулер топтамасыныӊ нәтижесінде қол қойылып отыр, деп хабарлайды баспасөз қызметі.
Форум ұйымдастырушыларыныӊ хабарлауынша, іс-шараға шағын және орта бизнес, келешек инвестор -компаниялар, ұлттық компаниялар мен жергілікті мемлекеттік басқару органдарыныӊ 1035 өкілі мен алыс-жақын шетелдерден өкілдер қатысты.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.