21.05.2014, 22:43 2990

Қаржы дағдарысын жаһандық деңгейде талқылайтын уақыт жетті - Б.Сұлтанов

Қаржы дағдарысын жаһандық деңгейде талқылайтын уақыт жетті. Бұл туралы бүгін VII Астана экономикалық форумы аясындағы II Дүниежүзілік дағдарысқа қарсы конференция барысында ҚР Премьер-Министрінің орынбасары - қаржы министрі Бақыт Сұлтанов мәлімдеді.

Алматы. 21 мамыр. Kazakhstan today. Қаржы дағдарысын жаһандық деңгейде талқылайтын уақыт жетті. Бұл туралы бүгін VII Астана экономикалық форумы аясындағы II Дүниежүзілік дағдарысқа қарсы конференция барысында ҚР Премьер-Министрінің орынбасары - қаржы министрі Бақыт Сұлтанов мәлімдеді.

"Өткен жылы әлемдік экономика көрсеткішіндегі 3 пайыздық қана өсімге қарамастан 2007 жылдан бастап әлемдік экономика жаһандық лицензия мәселесін шеше алмай келе жатыр. Сонымен қатар, дағдарыстық өсімнің де толастар түрі байқалмайды. Жаһандық деңгейдегі шешім болатын әлдеқандай тетіктер мен жолдар да бүгінге дейін дайындалмады",- дейді Б.Сұлтанов.

Сондай-ақ, оның айтуынша, жаппай жұмыссыздық мәселесі де экономикалық өсімді кері тартатын факторлардың бірегейі болып табылады.

"Осының барлығы шиеленісті әлеуметтік қақтығыстарға алып келеді. Тұрақсыз аймақтар мен енді аяққа тұрып келе жатқан елдерде осы себептер әлеуметтік тұрақсыздыққа жол ашып отыр", - дейді ол.

Б.Сұлтановтың айтуынша, біз қазір өтпелі кезеңдеміз, оған әлемдік экономиканың бүгінгі жайы куә.

"Илемдік сарапшылар қауымдастықтары жаһандық кездесулер өткізіп, әлемдік валюталық жүйені талқылап, қаржы экономикалық дағдарыстың алдын алу шараларын қарастырып, жаһандық реформа жасайтын уақыттың жеткенін айтып дабыл қағуда", - деді ол.

Оның пікірінше, G20-ның өткізген 20 саммитінен аталмыш диалогқа экономикалық деңгейі мен ықпалына қарамастан БҰҰ мүше мемлекеттердің барлығының қатысу қажеттілігін көрсетті.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны