Қаржы министрлігінде реттеушілік әсерді талдауды жүргізу шеӊберінде мемлекеттік сатып алу веб-порталын пайдалану үшін және шағымдарды беру үшін төлемді орнату мәселелері бойынша қоғамдық талқылау өткізілді
Сонымен бірге шағымдарды беру үшін төлем алу көп мемлекеттерде, оныӊ ішінде ТМД елдерінде (Грузия, Украина, Армения) қолданылады.
Астана. 19 маусым. Kazakhstan Today - Илеуетті өнім берушілерді мемлекеттік сатып алу веб-порталын пайдалану үшін және тапсырыс берушілерге шағым жасау үшін төлем төлеуді міндеттей ме?
Қаржы министрлігінде реттеушілік әсерді талдауды жүргізу шеӊберінде мемлекеттік сатып алу веб-порталын пайдалану үшін және шағымдарды беру үшін төлемді орнату мәселелері бойынша қоғамдық талқылау өткізілді.
Қаржы министрлігі Мемлекет басшысыныӊ 2017 жылғы 31 қаӊтардағы "Қазақстанныӊ үшінші жаӊғыруы: жаһандық бәсекеге қабілеттілік" атты Қазақстан халқына Жолдауын іске асыру шеӊберінде "Қазақстан Республикасыныӊ кейбір заӊнамалық актілеріне мемлекеттік сатып алу және квазимемлекеттік сектор субъектілерініӊ сатып алуы мәселелері бойынша өзгерістер мен толықтырулар енгізу туралы" заӊ жобасын әзірлегенін атап өтеміз.
Былтырғы жылдыӊ желтоқсанында заӊ жобасы Мәжіліске енгізілді.
Заӊ жобасын қарастыру шеӊберінде депутаттар мынадай түзетулер енгізді. Бірінші - мемлекеттік сатып алу туралы шарт жасасқан әлеуетті өнім берушілерден мемлекеттік сатып алу веб-порталын пайдаланғаны үшін қызметке төлем белгілеуді орнату. Екінші - тапсырыс берушініӊ, мемлекеттік сатып алуды ұйымдастырушыныӊ, мемлекеттік сатып алуды бірыӊғай ұйымдастырушыныӊ, комиссиялардыӊ, сарапшыныӊ, мемлекеттік сатып алу саласындағы бірыӊғай оператордыӊ әрекеттеріне (әрекетсіздігіне), шешімдеріне шағым жасау үшін төлемді белгілеу орнату.
Мемлекеттік сатып алу веб-порталыныӊ қызметі үшін төлем
Жыл сайын веб-порталды сүйемелдеуге, дамытуға және қызмет көрсетуге республикалық бюджеттен шамамен 1,5 млрд. теӊге жұмсалады. Мемлекеттік сатып алуға кіріс алу мақсатында кәсіпкерлік субъектілері қатысатынын ескере отырып, веб-порталды пайдаланудыӊ нарықтық тетіктерін қолдану ұсынылады. Яғни веб-порталды пайдаланғаны үшін төлемақыны шарт жасалған әлеуеттік өнім берушілерден ғана алу ұсынылады. Мысалы, Ресей Федерациясында, Грузияда мемлекеттік сатып алудыӊ электрондық жүйелерін пайдалану жөніндегі көрсетілетін қызметтер ақылы негізді ұсынылады. Сонымен бірге төлемақы келісімшарт берілгеніне қарамастан сатып алуға барлық қатысушылардан алынады.
Бұған қоса, сатып алудыӊ жеӊімпазынан ғана төлемақы алудыӊ ұсынылып отырған моделі әділ болып табылады.
Ұсынылып отырған шаралар республикалық бюджетке жүктемені азайтады, өз шығынын өзі өтейтін болуы да мүмкін.
Шағымдардыӊ ақылығы
Бүгінгі күні мемлекеттік сатып алу нәтижелеріне шағым жасау шартты жасасу мерзімін тоқтатуға әкеп соғады.
Көбінесе шағымдар сатып алу үрдістерініӊ созылуына және шарттарды жасасу мерзімдерін бұзуға бағытталған. Мәселен, барлық шағымдардыӊ жартысы әлеуетті өнім берушілерді сатып алуға қатысуға заӊсыз рұқсат бермеуге байланысты. Яғни, шағымдардыӊ көбі "өзіме де, өзгелерге де емес" қағидаты бойынша беріледі.
Сондай-ақ, кәсіби шағым берушілердіӊ пайда болуы орын алады, олар үшін шағымдану мемлекеттік сатып алуға кедергі жасаудан заӊсыз пайда алудыӊ құралы болды.
Шағымдану жүйесіне шексіз рұқсат үшінші тұлғалардыӊ құқықтарын бұзуға әкеп соғады, тапсырыс беруші мен жеӊімпаз келісімшарттыӊ орындалуыныӊ іркілуі салдарынан шығындарға ұшырайды.
Сондықтан шағымдарды беру үшін төлемді алу қажеттілігі туындайды, ол сатып алуда осындай теріс пайдаланудыӊ санын азайтуға мүмкіндік береді.
Сонымен бірге шағымдарды беру үшін төлем алу көп мемлекеттерде, оныӊ ішінде ТМД елдерінде (Грузия, Украина, Армения) қолданылады.
Ресей Федерациясында Мемлекеттік думада шағымдарды қарастыру үшін төлем алуды көздейтін заӊ жобасы қарастырылуда.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.