АСТАНА. 23-қазан. Kazakhstan Today. Қаржы тапшылығынан автожол саласындағы бағдарламалар жүзеге аспай қалу қаупі бар. Бүгін сенаттың аймақтық және салалық даму комитетінің отырысында еліміздің көлік және коммуникация министрі Серік Ахметов осындай пікір білдірді, деп хабарлайды Kazakhstan Today тілшісі.
"2012-жылға дейінгі автожол саласын дамыту бағдарламасында жергілікті автожолдарды күрделі жөндеу мен жаңалауға 150 млрд. теңге бөлу межеленген. Осыны ескеру негізінде жергілікті жолдарды тең қаржыландыру бағдарламасында оны 2007-жылдан бастап жүзеге асыру жоспарланған болатын. Біз республикалық бюджеттік комиссиядан 15 млрд. теңге сұраған едік. Оның тең жартысы - күрделі жөндеуге, қалғаны - жергілікті жолдарды жаңалауға жұмсалуға тиіс болатын. Сұралған 15 млрд. теңгеден жолдарды жаңалауға 5,5 млрд. теңге ғана бөлінді. Ал күрделі ждөндеуге бір тиын да бөлінген жоқ",- деді С.Ахметов.
"Сол себепті біз жергілікті жолдарды дамыту жөніндегі бағдарлама алғашқы жылдан бастап-ақ жүзеге аспайтын болғаны ма деген сауал тастап отырмыз",- деді ол.
Министрдің айтуынша, бағдарламада көзделгеніндей, егер аймақтар техникалық-экономикалық негіздемесі мен жобалық-сметалық құжаттардан тұратын жобаны толық әкелген жағдайда ғана жергілікті жолдарға тең қаржыландыру жасалады делінген.
"5,5 млрд. теңге - өте аз. Өйткені, қазір кейбір облыстар жобаның техникалық-экономикалық негіздемесі мен жобалық-сметалық құжаттарын жасауға жарты миллиардқа дейін қаржы бөлуге дайын. Егер жергілікті билік органдары биыл 10-12 млрд. теңге бөлетін болса, онда, министрлік үшін және министр мен үшін өзіміздің міндеттемемізді орындай алмай қалуымыз ұятты іс болмақ",- деді ол.
Осыған байланысты министр депутаттардан "2007-жылға арналған бюджет туралы" заң жобасын қарау барысында ҚР көлік және коммуникациялар министрлігінің сұранымын қолдап, бюджетте жергілікті жолдарды күрделі жөндеу мен жаңалауға қажетті қаржыны қарастыруды сұрады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қаржы тапшылығынан автожол саласындағы бағдарламалар жүзеге аспай қалу қаупі бар - көлік және коммуникация министрі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.