Қаржылық бақылау агенттігі банктердің берешектерін қайта құрылымдау жөніндегі келіссөздер сәтсіз болған жағдайда тұрақтандыру банкін құру мүмкіндігін пайдалануға дайын
Қаржылық бақылау агенттігі банктердің берешектерін қайта құрылымдау жөніндегі келіссөздер сәтсіз болған жағдайда тұрақтандыру банкін құру мүмкіндігін пайдалануға дайын
Астана. 1 октября. Kazakhstan Today - Қаржы нарығы мен қаржылық ұйымдарды реттеу және қадағалау агенттігі банктердің берешектерін қайта құрылымдау жөніндегі келіссөздер сәтсіз болған жағдайда тұрақтандыру банкін құру мүмкіндігін пайдалануға дайын. Бұл туралы бүгін парламент сенатында журналистерге берген сұхбаты кезінде қандайбір қаржылық институт консервацияланған жағдайда тұрақтандыру банкін құру жөніндегі заң нормасына берген түсініктемесінде Қаржы нарығы мен қаржылық ұйымдарды реттеу және қадағалау агенттігінің төрайымы Елена Бахмутова мәлім етті, деп хабарлайды Kazakhstan Today.
"Елімізде қайта құрылымдау жағдайындағы екі банк бар - бұлар "Альянс" пен "БТА банк". Изірге жағдай жоспарлы шектен шыға қойған жоқ, яғни, біз жорамалдаған кесте бойынша алға жылжуда. Егер әлдеқандай жағдаймен кредиторлар түбегейлі келісімге келе алмаса, яғни, ол реттеушіні қанағаттандырмаса, және банк орта мерзімді перспективада тіршілік қабілеті ие болса, онда реттеуші бұл норманы пайдалануы да әбден мүмкін. Бірақ бұл - біздің көздегеніміз емес, бұл - жай ғана бір құрал", - деді Е. Бахмутова.
"Альянс" пен БТА қайта құрылымдау ахуалында, бірақ "Альянс" қалай дегенмен кесте бойынша жүріп келеді. Ал "БТА банк" бойынша жағдай біршама ұзаққа созылатын түрі бар", - деді ол.
Осы орайда Қаржы нарығы мен қаржылық ұйымдарды реттеу және қадағалау агенттігінің төрайымы атап өткендей, "тұрақтандыру банкі туралы норма әрдайым болуға тиіс". "Сіздер әлемде не болып жатқанын қадағалап отырсыздар: баршамыздың ең басты түйгеніміз, бірде бір қаржы институты жойылмау үшін әсіре үлкен болмауға тиіс. Бұл дегеніңіз, ондай потенциалдық қатер әрдайым бар екенін білдіреді, бірақ, жүйелі тәуекелді азайта түсу үшін тиісті процедуралар болуы қажет. Қандайбір банк консервациялану немесе жабылу қаупінде болған жағдайда тұрақтандыру банкін құру мүмкіндігі - осындай процедуралардың бірі", - деді Е. Бахмутова.
"Егер ондай қажетітлік туындаса, ол пайдаланылатын болады", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.