Қаржылық бақылау агенттігінің төрайымы шетелдік инвесторлардың кірістерінің бір бөлігін Қазақстан банктерінде сақтау жөніндегі үкімет басшысының мәлімдемесін қолдайды
Қаржылық бақылау агенттігінің төрайымы шетелдік инвесторлардың кірістерінің бір бөлігін Қазақстан банктерінде сақтау жөніндегі үкімет басшысының мәлімдемесін қолдайды
Астана. 1 қазан. Kazakhstan Today - Қаржы нарығы мен қаржылық ұйымдарды реттеу және қадағалау агенттігінің төрайымы Елена Бахмутова шетелдік инвесторлардың кірістерінің бір бөлігін Қазақстан банктерінде сақтау жөніндегі үкімет басшысының мәлімдемесін қолдайды. Бұл туралы ол бүгін парламент сенатында журналистерге берген сұхбатында мәлім етті, деп хабарлайды Kazakhstan Today.
"Мен үкімет басшысының бұл бастамасын толық қолдаймын. Бұл жерде ешкім де олар өздерінің бар ақшасын толық Қазақстанда ұстасын деп отырған жоқ. Бірақ олар пайданың басты бөлігін Қазақстан аумағында тауып отырғандықтан, Қазақстанда тапқан пайданың жемісін Қазақстан халқы да тұтынуға тиіс", - деді Е. Бахмутова.
"Бұл олардың салық, еңбекақы секілді бәрібір Қазақстан аумағында жұмсайтын қаржысының бір бөлігі шамамен осы көлемде Қазақстан банктерінде депозиттерде, немесе ағымдағы шоттарда тұрақты сақталса орынды болар еді. Тым құрыса олардың Қазақстан аумағында жұмсайтын көлемі болса", - деді ол.
"Бұл, мәселен, егер шетелдерде болса, ешкімде сұрақ тудырмайтын қалыпты мәселе. Бірақ бізде, не себепті екені белгісіз, шетелдік компаниялардың уақытша бос ресурстарын Қазақстанда ұстауы туралы мәселеде сұрақ туындайды", - деді төрайым.
"Меніңше, инвесторлардың өз кірістерінің бір бөлігін Қазақстан банктерінде сақтау жөніндегі ұйғарымы бизнестің әлеуметтік жауапкершілігінің бір құрамды бөлігі болуы қажет, оған қоса қандайбір әкімшілік шараларды да қолдану мүмкіндігі бар, бірақ олар саналы болуға тиіс", - деді Е. Бахмутова.
Осы орайда ол инвесторларды өз кірісінің бір бөлігін Қазақстан банктерінде сақтау қажеттігіне иландыру "аса күрделі мәселе" екенін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.