"Кәсіпқор" холдингі халықаралық талаптар бойынша Қазақстандағы NCCER тіркеу орталығы болады
Бүгін "Кәсіпқор" коммерциялық емес акционерлік қоғамы техникалық кәсіп мамандарын дайындау мен біліктіліктерін арттыру бағдарламасы бойынша NCCER әлемдік тіркеуді алудағы мәселелерді талқылау үшін ұлыбританиялық әріптестерімен кездесу өткізді.
Алматы. 10 маусым. Kazakhstan today. Бүгін "Кәсіпқор" коммерциялық емес акционерлік қоғамы техникалық кәсіп мамандарын дайындау мен біліктіліктерін арттыру бағдарламасы бойынша NCCER әлемдік тіркеуді алудағы мәселелерді талқылау үшін ұлыбританиялық әріптестерімен кездесу өткізді.
"Біз аталмыш стандарттың шетелде алынуы үшін өз жұмыскерлеріміздің шығынын сақтау мақсатында Қазақстанда да осы стандартты енгізбекпіз. Енді Атыраудағы колледж базасында аталмыш орталыққа тіркеу алу, біздің шығаратын құрастырушыларға арналған сертификат алу, арнайы оқыту бағдарламаларын ензігу мен тәжірибелік қабілеттерді бағалау жүйесін құру қажеттілігінің маңызы зор", - дейді "Кәсіпқор" холдингі басқарма төрағасының орынбасары Айжан Ахметова.
Оның айтуынша, NCCER сертификаттары әлемдік деңгейде мамандарды оқытудың жоғары дәрежесі ретінде мойындалған NCCER жобалары аясында өткізілетін тренингтер бағдарламасы секілді жұмыс мамандықтарындағы біліктілік деңейінің көрсеткіші болып табылады.
"Жұмыскер аталмыш сертификатты алғанынан кейін халықаралық NCCER базасына жеткізілетін, яғни, кез келген жұмыс берушінің қандай да бір ақпарат алуына жағдай жасайды. Біз бұл тәжірибені ұлыбританиялық әріптесіміз Pearson-мен бірлесіп қолға алудамыз. Олар "Тенгизшевройл" ЖШС қысымымен басқару жобасы мен болашақ дамыту жобасының құрылыс жұмыскерлеріне арналған тіркеуді енгізуді жоспарлап отыр", - дейді А.Ахметова.
Өз кезегінде Еуропа бойынша BTEC өңірлік менеджері Марк Вудкок әлемдік деңгейдегі оқытудағы маңызды шарттың мобильділік екенін алға тартты.
"Студенттердің мобильділігі, олардың прогресс деңгейінен, университеттік және университеттен кейінгі кәсіби техникалық біліктілік деңгейінен еркін орын алмасуы өте маңызды. Бұл қазіргі таңда әлемдік сұранысқа ие болып отырған басты қабілеттердің бірі болып табылады. Бұл аталмыш компанияның Қазақстанға енгізуді жоспарлап отырған жобасы", - дейді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.