Каспийдің энергетикалық хабы Ақтауда 2009 жылдың көктемінде құрыла бастайды
Каспийдің энергетикалық хабы Ақтауда 2009 жылдың көктемінде құрыла бастайды
Ақтау. 29 мамыр. "Қазақстан Бүгін" - Каспийдің энергетикалық хабы 2009 жылдың көктемінде Ақтауда құрыла бастайды. Бұл туралы Маңғыстау облысының әкімі Қырымбек Көшербаев "VI Халықаралық Надиров оқулары" атты халықаралық ғылыми -тәжірибелік конференция қатысушылары алдында сөз сөйлеген кезде мәлім етті, деп хабарлайды агенттік тілшісі.
Өңірдің әкімі еске салғанындай, биылғы жылдың 18 мамырында Мысырдың Шарм Иль Шейх қаласында Қазақстан президенті Нұрсұлтан Назарбаевтың қатысуымен өткен Таяу Шығыс жөніндегі Илемдік экономикалық форумында "Каспий энергетикалық хабы" жобасын жүзеге асыру жөніндегі жобалық келісімге қол қойылды.
"Қазына" тұрақты даму қоры АҚ, "Самұрық" ұлттық активтерді басқару жөніндегі Қазақстанның мемлекеттік холдингі, PFC Energy халықаралық консалтингтік компаниясы, Gulf Finance House инвестициялық компаниясы, "Маңғыстау" инвестициялық компаниялары арасында келісімге қол қойылды.
Биылғы жылдың сәуір айында бұл компаниялар арасында түсіністік туралы меморандумына қол қойылды.
Қ. Көшербаев атап өткеніндей, Каспий энергетикалық хабы энергетикалық саланы одан әрі дамуына қажетті қызмет пен салалардың кластерін құратын болады. Оның аймағында мұнайгаз және сервистік компанияларына арналған жоғары дәрежелі өндірістік инфрақұрылым, халықаралық деңгейдегі техникалық университет, мамандандырылған зертханалар, геофизикалық деректерді анықтайтын орталық, қоршаған орта мен мемлекеттің қауіпсіздігіне байланысты туындайтын дағдарыс жағдайын басқаратын орталық құрылады.
Сондай-ақ, Қазақстанның мұнайгаз өнеркәсібі жөніндегі деректерді сақтайтын электрондық кітапхана, техникалық ғылыми зерттеу орталығы, бұқаралық ақпарат құралдарына арналған заманауи инфрақұрылымдар мен телекоммуникациялар болады.
"Бұл жобаны жүзеге асыру арқылы инфрақұрылымдардың дамуына қомақты мөлшерде шетелдік инвестицияларды тартуға мүмкіндік пайда болып, Ақтауда жаңа жұмыс орындары ашылып, іскерлік қарқындылық жандандырылады. Бұл Қазақстан Республикасының 2015 жылға дейінгі аумақтық даму стратегиясына сәйкес келеді ", -деп атап өтті облыс әкімі.
Ол атап өткеніндей, халықаралық техникалық университетінде дәріс беретін жетекші мамандар шетелдік жоғары оқу орындарынан шақырылады деп жоспарланған, бұл Каспий теңізінің қазақстандық секторын игерудің мемлекеттік бағдарламасына сәйкес келеді.
Ол түсіндіргеніндей, энегетикалық хаб Каспий маңындағы кеңістігінде мұнайгаз секторының толыққанды дамуын қамтамасыз етуге мүмкіндік береді Сондай-ақ, Каспийдің барлық өңірін, Қазақстанның мұнайгаз өнеркәсібіне қажетті коммерциялық, техникалық және адам ресурстарымен қамтамасыз етеді.
Бұдан бұрын хабарланғанындай, Каспий энергетикалық хабы экономикалық даму жобасы болып табылады, оның басты мақсаты -аймақтың мұнайгаз индустриясының, техникалық, коммерциялық тұтынуына жауап беретін және толық қызмет көрсететін энергетикалық кәсіпорынға айналу.
Каспий энергетикалық орталық заманауи ең соңғы технологиялармен шығарылған құрал -жабдықтармен жабдықталатын болады. Жобаны жүзеге асыру үшін $10 млрд астам қаржы жұмсалады. Жоба үш-бес жыл ішінде аяқталады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.