"ҚазАгро" ауыл шаруашылық хабы жүйесін енгізуді жоспарлауда
BNews.kz ақпараттық агенттігінің хабарлауынша, "ҚазАгро" ұлттық холдингі Мемлекет басшысының тапсырмасына сәйкес Астана айналасындағы 300-шақырымдық аумақтағы өндірісті қаржыландыру және ауыл шаруашылық өнімдерін өңдеу жөніндегі жобаларды қарастырады.
Өскемен. 5-желтоқсан. Kazakhstan Today - "ҚазАгро" ауыл шаруашылық хабы жүйесін енгізуді жоспарлауда, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, "ҚазАгро" ұлттық холдингі Мемлекет басшысының тапсырмасына сәйкес Астана айналасындағы 300-шақырымдық аумақтағы өндірісті қаржыландыру және ауыл шаруашылық өнімдерін өңдеу жөніндегі жобаларды қарастырады.
Астаналық азық-түлік белдеуіне Ақмола облысының 17 ауданы мен Қарағанды облысының 4 ауданы кіреді. Бұл жөнінде Шығыс Қазақстан облысына жұмыс сапары және өңірдің агрошаруашылық өкілдерімен кездесуі барысында "ҚазАгро" ұлттық басқару холдингінің басқарма төрағасы Дулат Айтжанов айтты, деп хабарлайды компанияның баспасөз қызметі.
Холдинг басшысының айтуынша, астаналық азық-түлік белдеуін қалыптастыру шеңберінде жобаларды қаржыландыру барысында "ҚазАгро" оның тиімділігіне әсер ететін кейбір мәселелерге тап болды. Негізгі мәселелер "өндіруші - сауда желісі" тізбегіндегі делдалдардың көп болуына байланысты, салдарынан шынайы сауда өндіруші өз өнімінен түскен табыстың бизнесін жаңғыртуға және кеңейтуге жұмсауына болатын көп бөлігін алмайды. Екінші мәселе - өндіруші шаруалардың Астана нарығына тікелей қол жетімділігінің шектеулі болуы. Проблеманы қалалық сауда желілерінің тарапынан міндеттемелерді сақтамауы, сондай-ақ өнімді тасымалдау және сақтау мәселелері ушықтырып отыр.
Осы мәселелерді шешу үшін, Дулат Айтжановтың айтуынша, сауда-логистикалық желі жүйесі (хаб) енгізіледі. Оның міндеті ауыл шаруашылық тауарларын өндірушілерден өнімді әділ бағамен сатып алу және меншікті (жалға алынған) автокөлікпен тасымалдау, оны өзінің қоймаларында сақтау, және сауда желілерімен өзара қатынастың тиімді компьютерлендірілген жүйесін құру болып табылады. Ауқым әсері есебінен хаб тұрақты шығындарды ұнемдеуге, сондай-ақ өнімді сатып алу және сату жүйелілігін белгілеуге мүмкіндік береді. "Шынайы өндірушілер тауарларын кімге сатамыз, жақсы табыс табамыз деп басын ауыртпайтын болады, ал сауда желілері қысқа мерзімде өнім алатындығын білетін болады. Хаб иелері өндірушілер консорциумы мен "ҚазАгро" холдингі (ірі сауда желілерінің өкілдері болуы да мүмкін) болатындығын есекре отырып, сауда желілері тең әріптестік қағидаларына негізделген өзара тиімді қатынастарды қалыптастыруға мүдделі болады", - дейді "ҚазАгро" ұлттық холдингінің басқарма төрағасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.