ҚазАгро өңірлерге арзандатылған астық жөнелте бастады
Биылғы құрғақшылықтың салқыны біздің елге ғана емес, экономикасы қарыштап дамыған АҚШ, Аргентина, Австралия, Ресей сияқты мемлекеттерге де тиіп тұр. Қуаңшылық салдарынан әлемдік саудадағы астық бағасы қымбаттады.
Астана. 2-тамыз. Kazakhstan Today - ҚазАгро өңірлерге арзандатылған астық жөнелте бастады, деп хабарлайды Kazakhstan Today агенттігінің тілшісі.
Биылғы құрғақшылықтың салқыны біздің елге ғана емес, экономикасы қарыштап дамыған АҚШ, Аргентина, Австралия, Ресей сияқты мемлекеттерге де тиіп тұр. Қуаңшылық салдарынан әлемдік саудадағы астық бағасы қымбаттады.
Ал Қазақстанда жыл басында 20 мың теңгеден сатылған астықтың тоннасы қазір 35 мың теңгеге көтерілген. Осындай қиындықтардан қысылмай шығу үшін ҚР Ауыл шаруашылығы министрлігі 25-26 шілдеде "ҚазАгро" холдингі" АҚ, Ұн тартушылар одағы және облыстар, Астана мен Алматы қалалары әкімдіктері арасында І сұрыпты ұн мен нанға бағаны тұрақтандыру және облыстарда мал басының төмендеуіне жол бермеу мақсатында арнайы меморандумға қол қойды. Бұл - аймақтардағы шаруаларды арзан астықпен қамтамасыз етудің тиімді жолы, - дейді мамандар.
Осы шараның нәтижесінде Қазақстанда нан бағасы тұрақтанып, астықтың бір тоннасы 28 мың теңгеге бағаланды. І сорт ұнның 1 кг 49 теңге болды. "Азық-түлік корпорациясы" аймақтарға көмек ретінде 1,3 млн тонна арзандатылған астық бөлді. Енді корпорациясы тұрақты бағамен облыстарға арзан астық жөнелпек.
Сонымен қатар, аталмыш корпорация енді құс шаруашылықтарына да осы бағамен астық сатпақ. Бұл құс шаруашылығымен айналысушыларға үлкен көмек болмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.