ҚазАгро теңге бағамының өзгеруінен туған нәтижелерді жеңілдету үшін барлық шараларды қолданады
Ислам даму банкінен тартылған, Ауыл шаруашылығын қаржылай қолдау қоры арқылы жүзеге асырылатын "Сәтті" бағдарламасы бойынша - микронесиелеу шарттары өзгермейді, қаржылай қолдау Қоры барлық валюталық тәуекелдерді өз мойнына алады. Бүгінгі күні "Сәтті" бағдарламасы бойынша 1 417,2 млн.теңге сомасына 492 жоба қаржыландырылған.
Алматы. 17 ақпан. Kazakhstan today. "ҚазАгро" Ұлттық басқарушы холдингі" долларға шаққандағы ұлттық валюта бағамының өзгеруі шартында өз клиенттеріне аталған жағдайдың салдарын жұмсарту үшін барлық мүмкін шараларды қабылдайды.
Холдингте хабарлағандай, "ҚазАгро" Холдингінің компаниялар тобымен АӨК субъектілеріне берілген неиселердің негізгі бөлігі индекстелмейді. Қарызгерлердің негізгі бөлігі үшін несиелендіру шарты бұрынғы қалпында қалады, міндеттемелер арттырылмай, бұрын бекітілген кесте бойынша қайтарылады.
"ҚазАгро" Холдингінің несиелік портфелі 343,3 млрд.теңгені құрайды, соның 26,7 млрд.теңгесі немесе 8 пайызы валютаға байланған, себебі қаржыландыру көзі сыртқы нарықтан алынған немесе шетел қаржы институттары қаржылық тізіміне байланысты. Аталған бағдарламалар бойынша қаржыландырылған қарызгерлер үшін холдинг келесі бәсеңдету шараларын қабылдайды:
Ислам даму банкінен тартылған, Ауыл шаруашылығын қаржылай қолдау қоры арқылы жүзеге асырылатын "Сәтті" бағдарламасы бойынша - микронесиелеу шарттары өзгермейді, қаржылай қолдау Қоры барлық валюталық тәуекелдерді өз мойнына алады. Бүгінгі күні "Сәтті" бағдарламасы бойынша 1 417,2 млн.теңге сомасына 492 жоба қаржыландырылған.
Сондай-ақ, аграрлық несиелік корпорациясы Дрезнер банкінен тартылған қаржы есебінен несиелендірілген қарызгерлер бойынша компания қарыз фиксациясын теңгеде қарастыру мүмкіндігін қарауға дайын, ҚР ҰБ-нің 2014 жылдың 11 ақпаны күнгі ресми валюта бағамы бойынша, яғни АҚШ долларына 155,56 теңге.
"ҚазАгроҚаржы" компаниясынан лизинг пен несиелендіру бағдарламалары бойынша негізгі қаржыны алған қарызгерлерге, оларды "Агробизнес-2020" бағдарламасы аясында қаржылық сауықтыру бағдарламасында бірінші кезекте кіргізу ұсынылады.
ҚазАгро" Ұлттық басқарушы холдингі" АҚ құрамына кіретін акционерлік қоғамдардың инвестициялық активтерін тиімді басқару жолымен агроөнеркәсіптік кешенді дамытуды ынталандыру жөніндегі мемлекеттік саясатты іске асырады. Холдинг құрамына "Азық түлік келісім шарт корпорацициясы" АҚ, "ҚазАгроҚаржы" АҚ, "Аграрлық кредит корпорациясы" АҚ, "ҚазагроӨнім" АҚ, "ҚазАгрогарант" АҚ, "ҚазАгромаркетинг" АҚ кіреді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.