"ҚазАгро" Ұлттық холдингі бюджеттік несие бойынша өз міндеттемесін толық орындады.
Астана. 22 желтоқсан. Kazakhstan Today - "ҚазАгро" Холдингі" АҚ 40 000 млн.теӊге сомасындағы бюджеттік несиесін өтеуді толық көлемде орындады. Республикалық бюджет алдындағы міндеттеменіӊ орындалуы ағымдағы жылдыӊ 19 желтоқсанында жүзеге асты, деп хабарлайды Kazakhstan Today агенттігініӊ тілшісі.
Еске салайық, "2014-2016 жылдарға арналған республикалық бюджет туралы" 2013 жылдыӊ 3 желтоқснанына Қазақстан Республикасыныӊ Заӊына сәйкес 2014 жылы "Агроөндірісітік кешен субъектілерін қолдау блйынша шараларды жүргізу үшін "ҚазАгро" Ұлттық басқарушы холдингі" АҚ-н несиелендіру" 023 бюджеттік бағдарламасы бойынша "ҚазАгро" Холдингі" АҚ-на 40 000 млн.теӊге мерзімі 2014 жылдыӊ 20 желтоқсанына дейін бюджеттік несие берілген болатын.
Жоғарыда аталған несие қарыз түрінде "ҚазАгро" Холдингі" АҚ-ныӊ үш еншілес компаниялары және екінші деӊгейлі банктер арасында бөлінген болатын. Бюджеттік несие есебінен қаражатты игеру жоспарланған 40 000 млн.теӊгеге немесе 100%-ға орындалды, соныӊ ішінде: "Азық-түлік келісім шарт корпорациясы" АҚ - 13 042 052 800 теӊге (100%), "Аграрлық несие корпорациясы" АҚ - 6 457 947 200 теӊге (100%), "Ауыл шаруашылығын қаржылай қолдау қоры" АҚ - 500 000 000 теӊге (100%) және екінші деӊгейлі банктер - 20 000 000 000 теӊге (100%).
Осылайша, 3 453,5 мыӊ га. жалпы егін алқабына келіп түскен 2 323 өтінімдер қаржыландырылды.
2014 жылдыӊ егін жинау науқанында қалыптасқан қолайсыз ауа-райына байланысты бірқатар АШТӨ "ҚазАгро" Холдингі" АҚ еншілес компаниялары алдында міндеттемелерін уақытылы орындай алмағандығын атап өткен жөн. Осыған орай, "ҚазАгро" Холдингі" АҚ еншілес компаниялары республикалық бюджет алдында міндеттемелерін өз мерзімінде орындау мақсатында жеке немесе тартылған қаражатын қолдануына мәжбүр болды.
Сонымен қатар, 2012-2013 жылдары бюджеттік несие есебінен әлеуметтік-кәсіпкерлік корпорациялар кепілдігімен көктемгі-дала жұмыстарын қаржыландыру шеӊберінде АШТӨ-діӊ "Азық-түлік келісім шарт корпорациясы" АҚ алдында 2 983 901 363 теӊге сомасында (айыппұл мен %-ды қоса алғанда 3 221 186 700 теӊге) өтелмеген қарыздары бар.
"ҚазАгро" ҰБХ" АҚ баспасөз қызметі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.