"ҚазАгро" Жамбыл облысыныӊ АӨК қолдауға 2017 жылы 8 млрд. теӊге бағыттады
"ҚазАгро" ұлттық холдингініӊ Жамбыл облысыныӊ АӨК қолдауыныӊ жалпы көлемі 2017 жылғы 8 айы ішінде 8 млрд. теӊгені құрады. Жалпы республика бойынша 2017 жылы Холдингпен қаржыландырудыӊ жалпы сомасы 186 млрд. теӊгені құрады.
Астана. 29 қыркүйек. Kazakhstan Today - "ҚазАгро" ұлттық холдингініӊ Жамбыл облысыныӊ АӨК қолдауыныӊ жалпы көлемі 2017 жылғы 8 айы ішінде 8 млрд. теӊгені құрады. Жалпы республика бойынша 2017 жылы Холдингпен қаржыландырудыӊ жалпы сомасы 186 млрд. теӊгені құрады.
Жамбыл облысы бойынша Холдингтіӊ инвестициялық қоржынында құны 8,4 млрд.теӊгеніӊ 36 жобасы бар. Құрылған жұмыс орныныӊ саны - пайдалануға беру кезеӊінде 760. Осы уақытқа дейін құны 7,9 млрд.теӊгеніӊ 35 жобасы пайдалануға берілді, 733 жұмыс орны құрылды. Облыстағы еӊ ірі жобалардыӊ қатарында: "Иулие-Ата Феникс" ЖШС құс фабрикасы; "Луговой жылқы зауыты" ЖШС бекіре тұқымдас балықты өсіру және т.б.
2017 жылы "ҚазАгро" ұлттық холдингініӊ желісі бойынша облыста көктемгі-егіс жұмыстарын жүргізуге 13 мыӊ га алаӊда 0,13 млрд.теӊге сомасына 18 АШТӨ қаржыландырылды. Жалпы республика бойынша Холдингпен бүгінгі таӊда бюджеттік несие қаражаты есебінен ғана осы жылдыӊ көктемгі-егіс жұмысына 58,1 млрд. теӊге сомасына 1804 шаруашылық пен агроқұрылымдар қаржыландырылды, ол аграрларға 2955 мыӊ га алаӊда егістік науқанын жүргізуге мүмкіндік берді.
Ағымдағы жылы Жамбыл облысында "ҚазАгроныӊ" желісі бойынша 900,1 млн.теӊге сомасына 7 несие серіктестері қаржыландырылды.
Сонымен бірге 2017 жылы "ҚазАгро" холдингініӊ еншілес компаниясы арқылы аймақтық ауылшаруашылық құрылымдарына 4487,8 млн.теӊге сомасына 881 шағын несие берілді. 2017-2021 жылдарға арналған Нәтижелі жұмыспен қамту және жаппай кәсіпкерлікті дамыту бағдарламасыныӊ екінші бағытын іске асыру шеӊберінде Жамбыл облысы бойынша 1,2 млрд.теӊге сомасына 294 қарыз алушы қаржыландырылғанын атап өту қажет.
Мал шаруашылығын қолдау бағдарламасы бойынша облыс бойынша 2017 жылдыӊ 8 айы ішінде ғана "ҚазАгро" холдингініӊ компанияларымен қаржыландырылды:
- "Сыбаға" бағдарламасы бойынша - 1643 ІҚМ басын сатып алуға 367 млн. теӊгеге 38 жоба, ІҚМ аналық басын сатып алу бойынша 2017 жылдыӊ 8 айы ішінде облыс бойынша жоспар 82%-ға орындалды.
- "Алтын Асық" бағдарламасы бойынша - 14788 ұрғашы қой сатып алуға 360 млн.теӊгеге 55 жоба ШММ аналық басын сатып алу бойынша 2017 жылдыӊ 8 айы ішінде облыс бойынша жоспар 103%-ға орындалды.
- "Құлан" бағдарламасы бойынша - 795 бас ұрғашы жылқыларды сатып алуға 250 млн.теӊгеге 29 жоба, ұрғашы жылқыларды сатып алу бойынша 2017 жылдыӊ 8 айы ішінде облыс бойынша жоспар 159%-ға орындалды.
"ҚазАгро" ұлттық басқарушы холдингі" АҚ өзініӊ құрылымына кіретін компаниялардыӊ инвестициялық активтерін тиімді басқару арқылы, Қазақстанныӊ агроөнеркәсіптік кешенін дамыту бойынша мемлекеттік саясатты іске асырады. Холдингтіӊ құрамына "Азық-түлік келісім-шарт корпорациясы" ұлттық компаниясы" АҚ, "ҚазАгроӨнім" АҚ, "ҚазАгроҚаржы" АҚ, "Аграрлық несие корпорациясы" АҚ, "Ауыл шаруашылығын қаржылай қолдау қоры" АҚ, "ҚазАгроКепіл" АҚ және "ҚазАгроМаркетинг" АҚ енеді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.