"ҚазАгроҚаржы" 2013 жылғы егіс науқаны үшін елімізде құрастырылған 300-ден астам "Беларус" тракторын сатып алмақ
Бүгінгі таңда егіс науқанына қажетті техника аса сұраныста болып отыр. Көктемгі егіс жұмыстарына дайындалу шеңберінде "ҚазАгроҚаржы" акционерлік қоғамына жалпы құны 9,5 млрд. теңге тұратын ауыл шаруашылығы техникаларын лизингке сатып алуға бірқатар республикалық агроқұрылымдардан 970 өтінім келіп түсіпті.
Астана. 12-наурыз. Kazakhstan Today - "ҚазАгроҚаржы" АҚ 2013 жылдың көктемгі егіс науқанына дайындалу барысында "СемАЗ" ЖШС жасап шығарған отандық құрастыру өндірісінің 300-ден астам "Беларус" тракторын сатып алуды жоспарлап отыр, деп хабарлайды Kazakhstan Today агенттігінің тілшісі.
BNews.kz ақпараттық агенттігінің компанияның баспасөз қызметіне сілтеме жасай отырып хабарлауынша, ҚазАгроҚаржы" АҚ 2013 жылдың көктемгі егіс науқанына дайындалу барысында "СемАЗ" ЖШС жасап шығарған отандық құрастыру өндірісінің 300-ден астам "Беларус" тракторын сатып алуды жоспарлап отыр. Бүгінгі таңда осы мақсатта жалпы құны 35 млн. астам теңгеге 27 "Беларус" тракторын сатып алу үшін келісімшарт жасалып та қойған. Көктемгі егіс жұмыстарына дайындалу шеңберінде жалпы құны 1 млрд. астам теңгеге "СемАЗ" ЖШС зауытының техникасын лизингке табыстау жоспарлануда.
Бүгінгі таңда егіс науқанына қажетті техника аса сұраныста болып отыр. Көктемгі егіс жұмыстарына дайындалу шеңберінде "ҚазАгроҚаржы" акционерлік қоғамына жалпы құны 9,5 млрд. теңге тұратын ауыл шаруашылығы техникаларын лизингке сатып алуға бірқатар республикалық агроқұрылымдардан 970 өтінім келіп түсіпті.
Жалпы алғанда, 2013 жылғы ауыл шаруашылығы іс-шаралары шеңберінде және қазіргі сұранысты ескере отырып, "ҚазАгроҚаржы" АҚ 1000-ға жуық әртүрлі ауыл шаруашылығы техникалары мен оларға қажетті аспалы топырақ өңдейтін жабдықтар сатып алмақшы. Тиісті шарттар қазақстандық өндірушілермен де, ауыл шаруашылығы техникаларының жеткізушілерімен де, сондай-ақ таяу және алыс шетелдердегі серіктестермен де жасалған.
Ағымдағы жылы енгізілген субсидиялау тәртібіне сәйкес, АӨК дамытудың мемлекеттік бағдарламасы шеңберінде мемлекет ауыл шаруашылығы тауар өндірушілеріне жалпы қаржыландыру ставкасының 7% есесін қайтаруды міндетіне алып отырғанын айта кеткен жөн. Соның негізінде, "ҚазАгроҚаржы" акционерлік қоғамындағы ауыл шаруашылығы техникаларының және арнаулы техникалардың лизингі бойынша ставканың мөлшері, субсидиялау мөлшерін қоса есептегенде, 12,8%-дың орнына 5,8%-ды құрайды. Субсидия 3 жыл мерзімге беріледі, оның уақытын 7 жылға дейін ұзарту мүмкіндігі қоса қарастырылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.