Қытайда "KazakhExport" ЭСК" АҚ-ның шетелдік өкілдік кеңсесі ашылды
Бүгінгі күні KazakhExport шетелдік өкілдіктері Қазан қаласында (кеңсе тек Татарстанда ғана емес, жалпы Поволжье аймағында да жұмыс істейді), Душанбе (Тәжікстан) және Ташкентте (Өзбекстан) ашылды.
Нұр-Сұлтан. 13 маусым. Kazakhstan Today - Бүгін "KazakhExport" ЭСК" АҚ Басқарма төрағасы Руслан Искаков пен Сиань қаласындағы Халықаралық порт аймағын басқару жөніндегі Төрағасының орынбасары Су Го Фэн Сиань қаласында Қытай Халық Республикасына экспорттық әлеуетті дамыту перспективаларын талқылады.
Қытайда экспорттаушыларды қолдау
Бұған, KazakhExport-тың, міндеті қазақстандық және қытайлық кәсіпкерлер арасында берік іскерлік байланыстар орнату болып табылатын, Қытайдағы шетелдік өкілдік кеңсесінің ашылуы себеп болды.
"KazakhExport өкілдігі экспорттаушыларға қытай нарығында бейімделуге көмектесетін болады - қазақстандық өнімді импорттауға мүдделілерді іздеу және импортты қаржыландыруды ұйымдастыру кезінде қолдау көрсетеді. Сонымен қатар, KazakhExport шетелдік өкілдігінің күш - жігерімен экспорттаушыларға, көбіне олар өз бетінше жүгінгенде жабық болатын кабинеттердің есіктері ашылады", - деп атап өтті "KazakhExport" ЭСК" АҚ Басқарма төрағасы Руслан Ысқақов.
"Бір белдеу, бір жол" стратегиясы 2019 жылдың мамыр айында ҚР Премьер-министрі Асқар Мамин Қытай Компартиясы ОК Саяси бюросының Тұрақты комитетінің мүшесі, ҚХР Мемлекеттік кеңесі Премьерінің орынбасары Хань Чжэнмен келіссөздер жүргізді, оның барысында тараптар қазақстандық өнімнің экспорттық әлеуетін арттыру, екі елдің көліктік-логистикалық құзыреттілігін, транзиттік дәліздерді, энергетиканы, өнеркәсіпті, агроөнеркәсіптік кешенді дамыту бойынша өзара іс-қимылын күшейту қажеттігін атап өтті.
ҚР Ұлттық экономика министрлігінің деректері бойынша Қазақстан мен Қытай арасындағы тауар айналымы 2018 жылдың қаңтар-желтоқсан айларында $11,7 млрд., экспорт - $6,3 млрд. құрады.
Сауда қатынастарын дамыту
Қытай Халық Республикасына қазақстандық экспорттық әлеуетті нығайту мәселелері "KazakhExport" ЭСК" АҚ Сиань қаласының Ауыл шаруашылығы өнімдерін жабдықтау кооперациясымен ынтымақтастық туралы Меморандумның негізіне алынды.
Құжатта сауда қатынастарын дамытудың, Қазақстан Республикасында өндірілетін тауарлардың, жұмыстар мен қызметтердің экспортын ынталандырудың, сондай-ақ екі жақты тауар айналымын ұлғайтудың негізгі мәселелері көрсетілген.
KazakhExport шетелдік өкілдіктері
Бүгінгі күні KazakhExport шетелдік өкілдіктері Қазан қаласында (кеңсе тек Татарстанда ғана емес, жалпы Поволжье аймағында да жұмыс істейді), Душанбе (Тәжікстан) және Ташкентте (Өзбекстан) ашылды. KazakhExport даму стратегиясына сәйкес 2019 жылдың соңына дейін Ресейдің шекаралас өңірлерінде, сондай-ақ Орталық Азия елдерінде өкілдіктер желісін ашужоспарланып отыр.
Анықтамалық: "KazakhExport" экспорттық сақтандыру компаниясы" АҚ миссиясы ("Бәйтерек" ҰБХ" АҚ құрылымына кіреді) экономиканың басым секторларындағы шикізаттық емес тауарлар, жұмыстар, қызметтер экспортының өсуін қолдау және қазақстандық кәсіпорындарды қаржылық-сақтандыру және қаржылық емес қолдау тәжірибесін қалыптастыру болып табылады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.