"KazakhInvest" пен Қостанай облысыныӊ әкімдігі әріптестік туралы меморандумға қол қойды
Астанадағы жұмыс мәжілісі барысында сондай-ақ шетелдік инвесторлар қатысатын жобаларды жандандыру қарастырылды. Аталмыш кезеӊдегі аймақтыӊ инвестициялық жобалары тізбесі жалпы сомасы 146,1 млрд. теӊге болатын 21 инвестициялық жобадан тұрады, олардыӊ ішінде 80% астамы шетелдік инвестициялар.
Астана. 19 маусым. Kazakhstan Today - Астанада "KazakhInvest" Басқарма төрағасы Сапарбек Тұяқбаев және Қостанай облысыныӊ әкімі Архимед Мухамбетов, аймақтыӊ инвестициялық тартымдылығын жақсарту мақсатында әріптестік туралы меморандумға қол қойды.
"Қостанай облысында инвесторлар үшін қолайлы жағдайлар жасалынған және "KazakhInvest" барлық сұрақтар бойынша қолдау көрсетеді. Қазірдіӊ өзінде аймақтық жобалар бойынша нақты шетелдік инвесторлармен келіссөздер жүргізу жайындағы келісімдерге қол жеткізілген. Және жалпы, жылдыӊ басынан бастап "KazakhInvest" өкілдерініӊ, инвестиция салу үшін неғұрлым тартымды 11 елдіӊ ірі компанияларымен келіссөздер жүргізгенін атап кету қажет. Біз 60 астам жаӊа инвесторларды анықтадық, және енді бұл жобаларды орналастыру, локалдандыру үшін облыс әкімдіктерімен белсенді жұмысты бастаймыз", деп атап өтті "Kazakh Invest" Басқарма төрағасы Сапарбек Тұяқбаев.
Меморандумға сәйкес, Қостанай облысыныӊ әкімдігі шикізаттық базаныӊ, жер ресурстарыныӊ, инфрақұрылыммен қамтамасыз етілу және т.б. тәрізді критерийлерді ескере отырып инвестиция салуды талап ететін "игерілмеген" жобалар тізбесін жасайды. "KazakhInvest" өз кезегінде "игерілмеген жобаларды" жүзеге асыру үшін әлеуетті инвесторларды іздеумен және тартумен айналысатын болады.
Тараптар инвесторлардыӊ өтініштерін жылдам қарастыру, оларға қолдау көрсету және "бір терезе" принципі бойынша қызметтер көрсету, инвестициялық жобаларға бірлескен мониторинг жүргізе және "KazakhInvest" әзірлеген IRM ("InvestorsRelationshipManagement") ақпараттық-мониторингтік жүйесіне келіп түсетін инвесторлардыӊ сұрақтарын шешу жайында келісімге келді.
Астанадағы жұмыс мәжілісі барысында сондай-ақ шетелдік инвесторлар қатысатын жобаларды жандандыру қарастырылды. Аталмыш кезеӊдегі аймақтыӊ инвестициялық жобалары тізбесі жалпы сомасы 146,1 млрд. теӊге болатын 21 инвестициялық жобадан тұрады, олардыӊ ішінде 80% астамы шетелдік инвестициялар.
"Біз Қостанай облысы аумағында ірі іргелі жобаларды жүзеге асыру үшін "KazakhInvest" бірге ынтымақтаса жұмыс атқарамыз. Қазіргі таӊда өӊірде 400 га Индустриалдық аймақтыӊ құрылысы салынуда. Еӊ алғашқылардыӊ бірі болып инвестициясыныӊ жалпы көлемі 1,1 млрд. АҚШ долл. құрайтын "СМС" қытай компаниясы және "Аллюр Компаниялар Тобы" автомобиль кластерін дамыту бойынша жобасы орналасатын болады. Бұл туралы келісімге Елбасымыздыӊ жуырдағы Қытайға сапары барысында қол жеткізілді", деп атап өтті Қостанай облысыныӊ әкімі Архимед Мухамбетов.
Атап кететіні, Қостанай облысыныӊ әкімдігі өӊірдіӊ инвестициялық жобалары мен аумақтары, сондай-ақ қол жетімді инфрақұрылымныӊ және пайдалы қазбалардыӊ барлығы бойынша ақпараттан тұратын облыстыӊ интерактивті инвестициялық картасын енгізген. Картадағы барлық ақпарат қазақ, орыс және ағылшын тілдерінде келесі ұсынылған сайтта қол жетімді:www.map.investinkostanay.kz. Өӊірде қолдау көрсетуге және әлеуетті инвесторлардыӊ өӊірдегі проблемалық сұрақтарын және жүйелік кедергілерді қарастыруға арналған Инвесторларды тарту бойынша Кеӊес қызмет атқарады.
Анықтама үшін: Жуырда Қостанай облысында бірқатар ірі инвестициялық жобаларды жүзеге асыру жоспарлануда. Ірі жобалардыӊ бірі, жалпы құны 81,4 млрд. теӊгені құрайтын дән және май дақылдарын тереӊ өӊдеу бойынша ауыл шаруашылық хабын құру болып табылады. Қытайлық инвесторлардыӊ қатысуымен жобаныӊ бастамасын көтерген "Kazmeal" (Казмил) ЖШС болып табылады. Жобалық қуаттылығы 600 мыӊ тонна бидайды (оныӊ ішінде, 100 мыӊ тонна ұн, 100 мыӊ тонна глютен және 350 мыӊ тонна кеспе өндіру), 120 мыӊ тонна май өнімдерін өӊдеуге, 1 млн. тоннаға дейін қоспа жем өндіруге есептелінген.
Сонымен қатар, Елбасыныӊ сапары шеӊберінде Қостанай облысындағы машина құрастыру саласын дамыту бойынша бірқатар келісімдерге қол қойылды. "АллюрКомпаниялар Тобы" АҚ, қытайлық "ChinaNationalMachineryImportandExport, Co" (СМС) компаниясы және "Бәйтерек" холдингі арасында Жол картасына қол қойылды.Аталмыш жоба шеӊберінде инвестициялардыӊ жалпы көлемі 1,1 млрд. АҚШ долларын құрайтын толыққанды автомобиль кластерін (автобустар, жүк көліктері, электромобильдер) құру жоспарлануда. Бұдан бөлек, "АгромашХолдинг KZ" АҚ және "YTO" арасында Қазақстанда тракторларды жинақтау өндірісін ұйымдастыру бойынша әріптестік туралы меморандум жасалынды. "YTO" компаниясы-бұл қытайлық трактор техникасыныӊ еӊ ірі өндірушісі. Бұдан әрі жобаны жүзеге асыру бойынша жол картасына қол қою жоспарлануда.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.