АСТАНА. 22 желтоқсан. Kazakhstan Today. "Қазақмыс" корпорациясы" АҚ мен "Қазақстан инжиниринг" ҰК" АҚ Ашықтық бастамасын жүзеге асыру туралы меморандумға қосылды,-деп хабарлайды Kazakhstan Today агенттігі.
Біз- қазақстандық өндірушілердің шетелдік компаниялармен қатар кен пайдаланушылар жариялайтын тендер мен сатып алу істеріне қатыса алғанын қалаймыз. Кен пайдаланушылар өз кезегінде сауда-саттық қызметтерін ашық жасауға уәде береді,-деп атап өтті брифингте индустрия және сауда министрлігінің өндіріс және ғылыми-техникалық даму комитетінің төрағасы Мейрам Қажыкен.
Меморандумға кен өндіруші және тау-кен кешендерінің қол қоюы кен пайдаланушылар арасында тиімді ынтымақтастық орнатуға мүмкіндік береді. Сонымен қатар, кен пайдаланудың қызмет көрсету нарығында отандық тауар өндірушілер қызмет көрсетуді дамытпақ, деп пайымдайды индустрия және сауда министрлігіндегілер.
Меморандумды индустрия және сауда министрлігі биыл науырыз айында ұсынған болатын. Оны Қазақстанның жалпыұлттық "Атамекен" кәсіпкерлер мен жұмыс берушілер одағы мен республикалық кен өндірушілер мен тау-кен өндірістерінің қауымдастығы да қолдаған болатын. Қазіргі кезде М.Қажыкеннің айтуынша, меморандумға 80 отандық және шет елдік компаниялар қосылып отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Қазақмыс" және "Қазинжиниринг" компаниялары Ашықтық бастамасын жүзеге асыру туралы меморандумға қосылды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.