Қазақстан алғаш рет кәсіпкерлікті зерттеу бойынша елдердіӊ әлемдік тізіміне енді - ҚР ҰЭМ
Қазақстан - кәсіпкерлік бойынша әлемдік ірі зерттеудіӊ тізіміне енген Орталық Азия өӊiрiндегi алғашқы мемлекет, деп мәлімдеді ҚР Ұлттық экономика министрлiгi жанындағы "Экономикалық зерттеулер институты" АҚ Кәсiпкерлiктi дамыту орталығыныӊ директоры Нұрлан Құлбатыров
Астана. 18 желтоқсан. Kazakhstan Today - Қазақстан - кәсіпкерлік бойынша әлемдік ірі зерттеудіӊ тізіміне енген Орталық Азия өӊiрiндегi алғашқы мемлекет, деп мәлімдеді ҚР Ұлттық экономика министрлiгi жанындағы "Экономикалық зерттеулер институты" АҚ Кәсiпкерлiктi дамыту орталығыныӊ директоры Нұрлан Құлбатыров, деп хабарлайды Kazakhstan Today агенттігініӊ тілшісі.
"Қазақстан - кәсіпкерлік бойынша әлемдік ірі зерттеудіӊ тізіміне енген Орталық Азия өӊiрiндегi алғашқы мемлекет. "Global Entrepreneurship Monitor" (GEM) - әлемніӊ жеке елдері арасындағы кәсіпкерлік бесленділікті зерттеуге бағытталған әлемніӊ бизнес мектептерініӊ жалпы бастамасы", - деді Н.Құлбатыров ОКҚ брифингінде, деп хабарлайды primeminister.kz тілшісі.
Оныӊ айтуынша, бүгінгі таӊда жобаға әлемнiӊ 73-тен астам мемлекетi қатысады, бұл әлем халқыныӊ 72,4% және әлемдiк жалпы iшкi өнiмнiӊ 90%-ын құрайды.
"Жұмыс жасап келе жатқан жылдарда GEM жобасы көптеген қатысушы елдер үшін бизнес ортаны жақсартуға байланысты шешiмдер қабылдаудыӊ тиiмдi құралына айналды. GEM мәліметтері жаһандық тақырыптық зерттеулер үшін негізгі және көп пайдаланылатын мәлімет көзі болып табылады", - деп түсіндірді сарапшы.
Осылайша, зерттеулер нәтижелеріне сәйкес таяу 3 жылда жеке ісін ашуды ҚР еӊбекке қабілетті тұрғындарыныӊ 15% жоспарлап отыр.
Оған қоса, кәсіпкерлікке 18-34 жастағы тұлғалар еӊ көп белсенділік танытуда. Жаӊа өнімді жас тұрғындардыӊ тек 5% іске қосуды жоспарлауда. Аталған топ көбіне бизнестіӊ жаӊа технологияларын, яғни интернетті пайдаланады.
"Сауалнамаға қатысқандардыӊ 50%-ы саудада бизнеспен айналысқысы келетiнiн айтса, респонденттердiӊ 30%-ы қызмет көрсету саласында жеке iсiн ашқысы келетiнiн жеткізген", - дедi өз кезегінде Назарбаев Университетініӊ "Global Entrepreneurship Monitor" жобасыныӊ ұлттық үйлестірушісі Лейла Ерғожа.
Сонымен бірге, зерттеушілер атап өткендей, "Қазақстанда кәсіпкерлікке қызығушылық АҚШ, Канада, Австралия және Сингапурға қарағанда жоғары".
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.