Қазақстан экономикасыныӊ өсімі 2017 жылы 3,3%-ға жетуі мүмкін - Дүниежүзілік Банк
Астана. 3 желтоқсан. Kazakhstan Today - Дүниежүзілік банк сарапшыларыныӊ болжамынша, Қазақстанда ЖІӨ өсімі 2015-2016 жылдары шамамен 1%-ды құрап, ал 2017 жылы 3,3% дейін өсуі мүмкін, деп хабарлайды Kazakhstan Today агенттігініӊ тілшісі.
"Біздіӊ базалық сценариімізге сәйкес мұнай бағасы 2016 жылы төмен деӊгейде қалып, 2017 жылы қайта қалпына келе бастайды. ЖІӨ өсімі 2015 және 2016 жылдары шамамен 1% деӊгейде төмен болып қалады, бірақ 2017 жылы 3,3 % дейін артуы мүмкін", - делінген Дүниежүзілік банк баяндамасында, деп хабарлайды primeminister.kz тілшісі.
Сонымен қатар, күрделі сыртқы орта Қазақстан дамуыныӊ орташа мерзімді перспективаларына одан әрі әсер етеді. Ұзақ мерзімді перспективада сарапшылар айтып өткендей "елдіӊ сыртқы қатерлерге тұрақтылығын арттыру үшін экономиканы әртараптандыру қажет".
"Пессимистік сценарийде базалық сценарийге қарағанда мұнай бағасы 2016 жылы төмендеуін жалғастырып, бұл Қазақстан бюджеті жағдайыныӊ және төлемдік балансыныӊ нашарлауына және ішкі сұраныс пен ЖІӨ өсімініӊ одан әрі төмендеуіне алып келеді", - делінген құжатта.
Осылайша, болжамдарға сәйкес, екі сценарийде де мұнайдыӊ ішкі өндірісі 2017 жылы Қашағанда мұнай өндірудіӊ арқасында арта бастайды деп күтіледі, соныӊ нәтижесінде ЖІӨ өсімі артып мемлекеттік бюджет пен ағамдағы шоттыӊ баланстары жақсаруы мүмкін.
"Сондай-ақ, экономиканыӊ алдында Қашағанда мұнай өндірісін бастаудыӊ кідірісі немесе Ресейдегі құлдыраудыӊ жалғасуы мен Қытайда өсімніӊ одан әрі төмендеуі мүмкіндіктерін қосқанда айтарлықтай төмендетілме қауіп-қатерлер бар", - делінген баяндамада.
Оған қоса, ДБ сарапшылары ұзақ мерзімді болашақта институционалдық реформалармен және әлеуетті дамыту, адами капиталды қалыптастыру мен инфрақұрылымға инвестиция тартуды жалғастыра отырып, Дүниежүзілік сауда ұйымыныӊ (ДСҰ) келісімдерін толыққанды жүзеге асыруды қоса алғанда, ҚР Үкіметініӊ құрылымдық реформалар бойынша бағдарламасыныӊ табысты жүзеге асуы мұнайлы емес экономиканыӊ өнімділігі мен бәсекеге қабілеттілігін арттыруы тиіс.
Уақыт өте келе, бұл Қазақстан дамуыныӊ әлдеқайда тұрақты және әртараптандырылған үлгісіне негіз болады деп күтілуде.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.