ТБИЛИСИ. 6 сәуір. Kazakhstan Today. 2007 жылы Қазақстан Грузия үшін бірінші нөмірлі инвестор болуы мүмкін,-деді кеше Тбилисиде Қазақстан үкімет басшысы Кәрім Мәсімовппен өткен кездесуден кейін Грузия премьер министрі Зураб Ногаидели. Бұл туралы Kazakhstan Today агенттігі хабарлайды.
"Көптеген жобалардың қаржыландыруы жаңа басталып жатқанына қарамастан, біз Қазақстанның Грузия үшін бірінші кезектегі инвестор болатынына сенімдіміз",-деп мәлімдеді Грузия премьер министрі Зураб Ногиадели. Бұл ретте премьер министр 2006 жылы Қазақстан Грузия экономикасына $ 152,3 млн салып, басқа инвесторлар арасында үшінші орынды иемденді деп атап өтті.
З.Ногаиделидің айтуынша, Грузия үшін қазақстандық компаниялардың Батуми мұнай өндіру зауытының құрылысы мен Поти айлағында астық сақтау орнының құрылыстарына қатысу мүмкіндігін қарастырып жатқандығы мен Оңтүстік Кавказ көлік дәлізінң жобасына инвестиция салуларына айтарлықтай маңыз беріп отыр.
Грузия премьер министрінің айтуынша, Оңтүстік Кавказ көлік дәлізінен пайда көп түседі деген болжам бар. Сондықтар Грузия "қазақстандық жүк легінің артуына бар мүмкіндік жасауға тырыспақ".
"Біз бұл дәліздің географиялық жақтан неғұрлым қысқа, әрі қолайлы болғанын, сондай-ақ, жүк тасымалдаушылар үшін басқа жолдарға қарағанда ыңғайлы болғанын көздейміз",- деді З Ногиаидели.
Өз кезегінде К.Мәсімов Қазақстанның Грузия экономикасына инвестиция салуды жалғастыра беретіндігін айтты . Бұл негізінен Поти айлағында астық терминалының құрылысы мен Грузияның мұнай өңдеу өндірісін дамытуға қатысты болмақ деді.
Премьер министрдің айтуынша, Қазақстан бидай, энергетика қорлары мен өзге де өнімдерін дәл осы дәліз арқылы тасымалдауға мүдделі. Алайда бұл үшін алда тағы да көптеген кездесулер мен келіссіөздер жүргізген абзал деді.
"Қазақстан оңтүстік кавказ көлік дәлізі арқылы жүк тасымалдауға қызығушылық танытып отыр. Қазақстан астық, энергетика қорларын, сонымен қатар өзге де жүк түрлерін тасымалдауды көздеп отыр",-деді К.Мәсімов.
Грузия премьер министрімен болған кездесуға баға бере отырып, К.Мәсімов екі жақтың өте маңызды мәселелер төңірегінде әңгімелескендігін айтты.
Бұл негізінен энергетика, газ, мұнай және қазақстандық компаниялардың грузин экономикасына инвестиция салуына қатысты болды.
К.Мәсімовтың айтуынша, Грузия экономикасына инвестиция тартуға себеп болған екі ел президенттерінің 2006 жылғы наурыздағы кездесуі болды.
"Менің ойымша, Қазақстан мен Грузия президенттерінің сол кездесуінде қол жеткізілген шешімдер мен мақсат- міндеттер Қазақстанның Грузия экономикасына инвестиция салуына бағыт-бағдар көрсетті. Кейінгі екі жылда екі елдің экономикалық қарым-қатынасында ауыз толтырып айтарлықтай өзгерістер болды деп санаймын",-деді Қазақстан премьер министрі.
Премьер министр К.Мәсімов бастаған қазақстандық делегация Тбилисиге сәрсенбіде екі күндік іссапармен барған болатын. Іссапар аясында Батыс Грузияға бару да ойда бар. Онда еліміздің делегациясы курорттық Кобулети қаласында, Батумидегі мұнай терминалы мен теңіз сауда портындағы Қазақстанның инвестициялық нысандарын аралап көрмекші.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Грузия үшін бірінші нөмірлі инвестор болуы мүмкін - Зураб Ногаидели
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.