Қазақстан қор биржасы 2008 жылы АӨҚО арнайы алаңында IPO өткізуден үмітті
Қазақстан қор биржасы 2008 жылы АӨҚО арнайы алаңында IPO өткізуден үмітті
Алматы. 6 маусым. "Қазақстан Бүгін" - Қазақстан қор биржасы 2008 жылы Алматы өңірлік қаржы орталығының арнайы сауда алаңында IPO өткізуге үміт білдіріп отыр. Бұл туралы бүгін "Қазақстан Бүгін" агенттігінің тілшісіне Қазақстан қор биржасының вице-президенті Андрей Цалюк мәлімдеді.
"Біздің қаржылық кеңесшілеріміздің пайымдауынша, IPO 2008 жылы өткізілуі мүмкін. Биржаның басқармасы нарық коньюнктурасы бұны істеуге мүмкіндік береді деп үміттенеді", - деді А. Цалюк.
"Біз (биржа) АӨҚО алаңында болғымыз келеді. Осылайша орталық жобасына қолдау білдіреміз әрі күдіктенетіндерге өзіміздің бұған қалай қарайтынымызды көрсетеміз. Алайда, соңғы ресми шешімді қаржылық кеңесшілер берген мерзімде жариялайтын боламыз", - деді биржаның вице-президенті.
"Бұған дейін жарияланған және биржаның 2007-2010 жылдардағы даму стратегиясына енгізілген мерзімдер болжамдық мерзімдер болған. Оған біз ұмтылуға тиіс болатынбыз және солай істеп келдік", - деді ол.
Қазақстан қор биржасының вице-президентінің түсіндіруінше, биржа соңғы үш жылдағы консолидациялық қаржылық есеп бойынша аудиторлық қорытындыны жоспардағыдан біршама кеш алған.
"Нәтижесінде IPO дайындық кестесі түзетілді. Алайда, бұл дайындық жұмыстарының қарқынына әсер ете алмады. Биржаның директорлар кеңесінің мүшелерінің көпшілігі бұл жағдайға түсіністікпен қарайды. Оның үстіне жаз ортасында орналасудың еш мәні жоқ екенін ескеру қажет", - деді А. Цалюк.
Оның айтуынша, жаңа акциялардың айтарлықтай бөлігін биржаның қазіргі акционерлері сатып алады. Сол арқылы олар басымдыққа ие сатып алу құқықтарын пайдаланады.
Биржаның вице-президентінің пайымдауынша, алдағы Қазақстан қор биржасына орналасу Қазақстанның қор нарығына бұрынғыдан да жоғары капиталдандырылған биржаны беруі мүмкін. Биржа тартылған қаражаттардың айтарлықтай бөлігін жаңа сауда, есептік және ақпараттық технологияларды сатып алуға және енгізуге жұмсамақ ниетте.
"Отандық нарықта біздің өнеркәсіпшілеріміз назар аударатын тағы бір IPO болады. Біз жергілікті нарықтың мүмкіндіктерін көрсететін боламыз", - деп сөзін түйді А. Цалюк.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.