Қазақстан көрші елдердің экономикасына инвестиция салуды өсірді - Мәсімов
Қазақстан көрші елдердің экономикасына инвестиция салуды өсірді - Мәсімов
Мәскеу. 25-қаңтар. "Қазақстан Бүгін" - Қазақстан көрші елдердің экономикасына инвестиция салуды өсірді. Бұл туралы Кәрім Мәсімов ЕурАзЭҚ Мемлекетаралық кеңесінің Мәскеуде үкімет басшылары деңгейінде өткен кезекті мәжілісінде сөйлген сөзінде мәлім етті, деп хабарлайды "Қазақстан Бүгін" агенттігінің тілшісі.
"Қазақстан көрші елдердің экономикасына инвестиция салуды өсірді және де келешекте инвестициялық саясатты пәрмендендіру, сондай-ақ аймақтық байланыстарды нығайту ниетінде. Қазақстан интеграциялық процесстерді қолдайды және де оны тереңдетуге және кеңейтуге тырысатын болады",- деді К. Мәсімов.
Қырғызстанның премьер-министрі Игорь Чудинов өзінің сөйлеген сөзінде, Қырғызстанның 2007 жылы ЕурАзЭҚ жекелеген елдерімен арадағы тауар айналымы алдыңғы жылмен салыстырғанда айтарлықтай өскендігін хабарлады. Атап айтқада, Беларусь Республикасымен арадағы тауар айналымы 20 пайызға, Қазақстанмен 30 пайызға, Ресей Федерациясымен - 45 пайызға, Тәжікстанмен - 3 пайызға, Өзбекстанмен - 9 пайызға өскен.
"ЕурАзЭҚ мүше мемлекеттердің жекелеген мекемелерінің қарсылықтарын жеңіп, Қоғамдастық азаматтары үшін адамдардың қарыс-қатынасы мен тауар алмасуға, бизнес енгізуге, транзитке жасанды кедергілер жасамайтын жағдай жасау жөніндегі саяси шешімдер қабылдау керек. Адамдар ЕурАзЭҚ мүше мемлекеттерде өмір сүрудің қандай болатындығын нақты сезінулері қажет",- деп атап өтті қырғыздың премьер-министрі.
Сергей Сидорский, "Беларусь экономикасы үшін де, ЕурАзЭҚ мүше басқа мемлекеттердің экономикасы үшін де 2007 жылдың күрделі жыл болғандығын" атап өтті. "Жалпы дүниежүзілік келеңсіз беталыстар, шикізаттың, материалдардың, ауылшаруашылық өнімдерінің қымбаттауы, валюта нарығындағы шеленіскен жағдайлар да өзіндік әсер етті", деді ол.
ЕурАзЭҚ құрамына Беларусь, Қазақстан, Қырғызстан, Ресей, Тәжікстан және Өзбекстан кіреді. Армения, Молдавия және Украина ЕурАзЭҚ жанындағы бақылаушылар статусына ие.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.