Қазақстан мен ЕО арасындағы өзара сауда көлемі 2014 жылдыӊ қорытындысы бойынша 53 млрд долларды құрады
2014 жылдыӊ қорытындысы бойынша, Еуропалық Одақ (ЕО) пен Қазақстан арасындағы өзара сауда көлемі 53 миллиард АҚШ долларына жетіп, еліміздіӊ сыртқы сауда айналымыныӊ 53 пайызын құрады, деді Сыртқы істер министрлігініӊ Ерекше тапсырмалар жөніндегі елшісі Дәмегүл Қабиева ЕҰУ-дегі конференцияда
Астана. 05 Маусым. Kazakhstan Today - 2014 жылдыӊ қорытындысы бойынша, Еуропалық Одақ (ЕО) пен Қазақстан арасындағы өзара сауда көлемі 53 миллиард АҚШ долларына жетіп, еліміздіӊ сыртқы сауда айналымыныӊ 53 пайызын құрады, деді Сыртқы істер министрлігініӊ Ерекше тапсырмалар жөніндегі елшісі Дәмегүл Қабиева ЕҰУ-дегі конференцияда, деп хабарлайды Kazakhstan Today агенттігініӊ тілшісі.
"Қазақстан әріптестік пен ынтымақтастық Стратегиясын жаӊарту идеясын қолдайды, біз оныӊ қайта қаралғандығын қалаймыз. Біздіӊше, ЕО пен Орталық Азия (ОА) арасындағы Стратегияныӊ жаӊартылуы осы уақытқа дейін негізі қаланған ынтымақтастықты нығайта түседі. Биылғы жылдыӊ қаӊтар айында Стратегияны қайта қаруға қатысты өзіміздіӊ ұсыныстарымызды беріп жібердік. Стратегияныӊ бірінші нәтижелеріне келетін болсақ, ЕО мен ОА елдері арасындағы Астанада заӊ үстемдігі бойынша өткен төртінші министрлік конференциясын айту керек. Заӊ үстемдігін қамтамасыз етуде еуропалық әріптестермен ынтымақтаса қызмет ету Қазақстан үшін өзекті мәселе",-деді Д.Қабиева, деп хабарлайды strategy2050.kz тілшісі.
Оныӊ сөзінше, Қазақстан келесі жылдыӊ күзінде ЕО мен ОА арасындағы кезекті конфренцияны өткізуге дайын отыр.
"Қазақстан мен ЕО арасындағы екіжақты ынтымақтастық белсенді жалғасуда, бірінші кезекте бұл жоғары саяси ынтымақтастық серпіні. Жыл соӊына дейін біз Қазақстан мен ЕО арасындағы кеӊейтілген әріптестік пен ынтымақтастық туралы келісімге қол қоюды жоспарлап отырмыз. ЕО біздіӊ бірінші инвестициялық әріптесіміз болып қала береді. 10 жыл ішінде тауар айналымы 13 есеге артты, Қазақстан экономикасына салынған еуропалық инвестициялардыӊ көлемі 10 есеге көбейді. Өткен жылдыӊ қорытындысы бойынша, өзара сауда көлемі 53 миллиард АҚШ долларынан асып түсіп, еліміздіӊ сыртқы суда айналымыныӊ 53 пайызын құрады. Қазақстанда 6 мыӊға жуық еуропалық компаниялар бар, біз Қазақстанныӊ ДСҰ-на кіруін күтіп отырмыз және бұл үдеріс барысында ЕО көрсетіп отырған қолдауды жоғары бағалаймыз",-деді елші.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.