ТБИЛИСИ. 3-сәуір. Kazakhstan Today. Қазақстанның көлік және коммуникация министрі Серік Ахметов пен Грузияның экономикалық даму министрі Георгий Арвеладзе Грузия-Қазақстан үкіметтік экономикалық комиссиясының үшінші отырысы аясында дүйсенбі күні Тбилиси қаласында экономика саласындағы ынтымақтастық туралы меморандумға қол қойды, деп хабарлайды Kazakhstan Today тілшісі.
Г.Арвеладзенің айтуынша, Грузия мен Қазақстан жаңа меморандумға қол қойды. Соның негізінде екі ел арасындағы бұдан былайғы экономикалық ынтымақтастық аясы айқындалды.
"Грузия мен Қазақстанның ортақ экономикалық келешекке қатысты нақты әрі біртұтас көзқарастары бар. Осындай жемісті ынтымақтастықтың көмегімен біз аймақтық экономикалық дамуға жағдай жасауға тиіспіз. Бұл жерде тек Грузия туралы ғана емес, Жібек жолында орналасқан барлық елдер туралы да сөз болып отыр",- деді Г.Арвеладзе.
Атап айтсақ, Қазақстан мен Грузияның біріккен комиссиясының отырысының соңында транспорт, сауда, экономика, ауылшаруашылығы және коммуникациялар саласындағы ынтымақтастық туралы келісімге қол қойылды.
Тараптар келісімге келіп, Баку-Тбилиси-Карс темір жол магистралі пайдалануға берілгеннен кейін Қазақстан осынау жаңа транспорттық дәлізді жылына 10 млн тонна жүк тасымалдау мақсатында пайдаланады деген мәміле жасалды.
Көлік инфрақұрылымын дамыту мақсатында меморандум шеңберінде Грузия, Қазақстан және Изербайжан арасындағы ортақ көлік дәлізінің бәсекелестік қабілеті мен тауар айналымын арттыру мәселері бойынша үш жақты ынтымақтастыққа баса назар аудару жоспарлануда.
Өз кезегінде С.Ахметовтың айтуынша, осы мәселелер бойынша мамырда біріккен үш жақты косультациялар басаталады. Оған Грузия, Қазақстан және Изербайжан атсалысады.
"Біз министрмен мамыр айында министрлердің орынбасарлары деңгейіндегі кездесуге үшінші жақ - Изербайжанды да шақырамыз деп келістік. Өйткені, бірқатар мәселелерді үш жақты келіссөздердің деңгейінде, сарапшылар мен орынбасарлар деңгейінде талқылау қажеттігі туындап отыр",- деді С.Ахметов.
Грузия мен Қазақстан сондай-ақ әріқарай сауда-экономикалық құқықтық базаны жетілдіруге, еркін сауда мәселелері бойынша ертеректе қол қойылған келісімдерге кейбір өзгерістер енгізуге баса назар аударуға келісті. Бұған қоса қаржы саласында Грузияның Қазақстанға берешегін қайта құрылымдау мәселелері қаралмақшы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Грузия экономика саласындағы ынтымақтастық туралы меморандумға қол қойды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.