АСТАНА. 9-қараша. Kazakhstan Today. Бүгін Астанада қазақстандық және иорданиялық кәсіпкерлердің қатысуымен өткен бизнес-форумда Қазақстанның сауда-өнеркәсіптік палатасы мен Иорданияның сауда және өнеркәсіптік палаталары арасындағы үш жақты ынтымақтастық жөніндегі келісімге қол қойылды, деп хабарлайды Kazakhstan Today тілшісі.
"Бұл келісімдер болмай, бір елдің ақшасын екіншісінің экономикасына жұмсау мүмкін емес. Өйткені, инвестиция қорғалуға тиіс. Бұл - қарапайым халықаралық тәжірибе",- деді құжаттарды таныстырған еліміздің индустрия және сауда министрі Владимир Школьник.
"Қазір біз қатысу мүмкіндігі бар бизнес салалары мен тауқыметтерді талқылап жатырмыз. Мұндай келісімдер тауар айналымының тиімділігін көтеру үшін қажет. Қазір екі ел арасындағы тауар айналымы өте мардымсыз және ол әлеуетке сай келмейді",- деді министр.
Ол сонымен бірге таяу уақыттарда Қазақстан мен Иорданияның өзара инвестицияны қорғау және қосарланған салықты болдырмау жөніндегі келісімдерге қол қоятынын хабарлады. "Бұл екі ел арасындағы сауда-саттық қатынастарды дамытуға ынталандырады".
Министрдің хабарлауынша, иорданиялық кәсіпкерлер мен мемлекеттік мекемелердің өкілдері Қазақстанда туризм, ауылшаруашылығы өнімдерін өңдеу, фармацевтика, көлік-логистикалық қызметтер мен сақтандыру бизнесіне қызығушылық танытуда.
ҚР көлік және коммуникация министрлігінің ақпаратына сәйкес, қазірде Иордания Қазақстандағы преференциялар жүйесін тұтынушылардың бірі болып табылады. Иорданиялық тауарлардың белгілі бір тізімін енгізген жағдайда, кедендік баж салығы қазіргі импорттан алынатын кедендік баж салығының 75 процентін құрайды.
ҚР статистика жөніндегі агенттігінің ақпаратына сәйкес, 2005-жылы Қазақстан мен Иордания арасындағы тауар айналымы 20 млн. 465 мың доллар, соның ішінде экспорт -$19 млн. 733 мың, импорт - $731 мың болды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Иордания екі елдің сауда-өнеркәсіптік палаталары арасындағы ынтымақтастық туралы келісімге қол қойды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.