Қазақстан мен Қырғызстан мамандары "Бұқара газды аймағы - Ташкент - Бішкек - Алматы магистральды газ құбырының 25 шақырымға созылған бөлігін жөндеу жұмыстарын аяқтады
Қазақстан мен Қырғызстан мамандары "Бұқара газды аймағы - Ташкент - Бішкек - Алматы магистральды газ құбырының 25 шақырымға созылған бөлігін жөндеу жұмыстарын аяқтады
Бішкек. 29 мамыр. "Қазақстан Бүгін" - Қазақстан мен Қырғызстан мамандары "Бұқара газды аймағы - Ташкент - Бішкек - Алматы магистральды газ құбырының 25 шақырымға созылған бөлігін жөндеу жұмыстарын аяқтады, деп хабарлайды "Қазақстан Бүгін" агенттігінің тілшісі "ҚырҚазГаз" жауапкершілігі шектеулі қоғамдастығына (ЖШҚ) сілтеме жасай отырып.
Баспасөз қызметінің хабарлауынша, бұл бөлік газ құбырының жағдайының күрт нашарлауына, табиғи газдың жиі-жиі шыға бастауына, апатты жағдайдың туындауына байланысты қазіргі газбен қамтамасыз ету жүйесінен 2000 жылы ажыратылған. Кейінгі жылдары газ тек қана қосымша желі арқылы тасымалданып келген.
Жылдар өте келе қажетті 5 млн сомды тапқан "ҚырҚазГаз" ЖШҚ ескірген бөлікті жөндеуді өзінің инвестициялық жоспарына енгізді.
"Барлық ескірген бөлікті қазып алу мүмкін еместігіне байланысты шурфтау әдісі қолданылды", - деп атап көрсеті "ҚырҚазГаз" ЖШҚ. Жұмыс көлемі алдында жоспарланғаннан асып кетті. Дегенмен, Қырғызстанның Шу облысының аумағы арқылы өтетін магистральды газ құбырының осы бөлігі қайтадан пайдалануына дайын болды.
Газ құбырын сынақтан өткізу бағдарламасын Қазақстан жағы жағы бекітіп қойған. Қазір Қырғызстанның қарауында жатыр.
Баспасөз қызметінің хабарлауынша, осы бөліктің жақында қатарға қосылуы Қырғызстанның солтүстік бөлігі мен Қазақстанның іргелес жатқан өңірлерін газбен қамтамасыз етуді айтарлықтай жақсартуға мүмкіндік береді.
"ҚырҚазГаз" ЖШҚ - Қырғызстанның солтүстігі мен Қазақстанның оңтүстік облыстарына "Бұқара газды аймағы - Ташкент - Бішкек - Алматы магистральды газ құбыры арқылы табиғи газ тасымалын іске асыратын Қырғызстан мен Қазақстанның бірлескен кәсіпорыны. "Қырғызгаз" АҚ мен "ҚазТрансГаз" АҚ 2004 жылы Қырғызстан аумағында тіркелген ЖШҚ құрылтайшысы болған.
Қырғызстан Республикасының үкіметі, "ҚазТрансГаз" АҚ және "ҚырҚазГаз" ЖШҚ арасында жасалған инвестициялық келісімге сәйкес, Қазақстан мамандары 2008 жылға дейін газ тасымалы жүйесіне 17,5 млн доллар инвестиция салады. Инвестицияны 20 жыл көлемінде "ҚырҚазГаз" ЖШҚ қайтаратын болады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.