АСТАНА. 4-қыркүйек. Kazakhstan Today. "Екі ел экономикасының қарқынды дамуы таяу жылдарда өзара тауар айналымын екі есе арттыруға мүмкіндік береді. Бұл - келіссөздерге арқау болатын басты мәселе",- деді бүгін президент Нұрсұлтан Назарбаев Өзбекстан мемлекет басшысы Ислам Кәрімовпен арадағы кеңейтілген құрамдағы келіссөздер барысында, деп хабарлайды Kazakhstan Today тілшісі.
И.Кәрімовтың айтуынша, Өзбекстанда Қаазқстанмен арадағы ынтымақтастықтың нәтижесінде ашылатын тың мүмкіндіктерді жоғары бағалайды. "Таяу жылдарда екі ел арасындағы тауар айналымын екі есе арттыру керек",- деді ол.
Өзбекстан президентінің айтуынша, Н.Назарбаевпен жүзбе-жүз келіссөздер барысында екі жақты ынтымақтастықққа қатысты барлық мәселелер бойынша пікір алмасылды. "Өзара принциптік пікір қайшылығы жоқ",- деді И.Кәрімов.
Сонымен бірге Қазақстан мемлекет басшысымен кездесу барысында әскери-техникалық саладағы ынтымақтастыққа қатысты мәселелер де талқыланған. И.Кәрімов келіссөздер барысында бірлескен оқу-жаттығулар өткізу жөнінде ұсыныс жасады. "Біздің офицерлеріміз мен әскерлеріміз өзара тәжірибе алмасуы үшін бірлескен штабтық оқу-жаттығуларды өткізуге неге болмасын",- деді ол.
2006-жылдың алғашқы жартысында Қазақстан мен Өзбекстан арасындағы тауар айналымы 293,4 млн. долларды құрап, өткен жылғы осы мерзіммен салыстырғанда 27,3 процентке артты. Ал былтыр 2004-жылғы осы мерзіммен салыстыранда тауар айналымы 21,3 процентке артып, 516,4 млн. долларды, соның ішінде Қазақстанға шығарылған экспорт 247 млн. долларды, Қазақстаннан импорталған тауар көлемі 269,5 млн. долларды құрады.
Қазақстаннан Өзбекстанға негізінен азық-түлік тауарлары, қуат көздері, қара және түсті металл, химиялық өнімлер мен пластмассалар экспортталады. Қазақстанға қуат көздері, қара және түсті металл, машина және жабдықтар, химиялық өнімдер мен пластмассалар, азық-түлік тауарлары мен мақта талшықтары шығарылады.
Қазақстанда өзбек капиталының қатысуымен құрылған 86 бірлескен кәсіпорын тіркелген, олар сауда-саттық, азық-түлік және фармацевтика өнеркәсібі, құрылыс материалдары, минералдытыңайтқыштар, жиҺаз, әйнек бұйымдар жасайтын және мақта мен ағаш өңдейтін кәсіпорындар.
Қазақстанның 73 компаниясы Өзбекстан нарығында жұмыс істейді. Соның ішінде сауда-саттық, құрылыс, азық-түлік, машина жасау, жеңіл өнеркәсіп және металл өңдеу саласындағы 48 бірлескен кәсіпорын бар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Өзбекстан алдағы жылдарда тауар айналымын екі есе арттырмақшы
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.