АСТАНА. 4-желтоқсан. Kazakhstan Today. Республика үкімет басшысының орынбасары Кәрім Мәсімовтың АҚШ-тың Вашингтон қаласына екі күндік сапары аясында Қазақстан мен Илемдік банк өзара түсіністік және шикізат өндіруші саладағы іс-қызметтің ашықтығы туралы меморандумдарға қол қойды, деп хабарлайды Kazakhstan Today агенттігі үкіметтің баспасөз қызметіне сілтеме жасап.
Баспасөз қызметінің ақпаратына сәйкес, құжаттарда қарастырылған шаралар Қазақстан экономикасының бәсекелестік қабілетін арттыруға, мемлекеттік қаржыны басқару тиімділігін көтеруге, ашықтық жөніндегі бастаманы мейлінше белсенді жүзеге асыру арқылы шикізат өндіруші саланың кірісі мен төлемдерінің ашықтығын жетілдіре түсуге бағытталған.
Меморандумдарға сәйкес, Қазақстан үкіметі Илемдік банкпен бірлесіп бес жыл бойы мемлекеттік шығындардың ашықтығы, ықпалы мен тиімділігіне диагностика жасау үшін мемлекеттік қаржыны басқару жағдайына жыл сайынғы шолулар жасамақшы. Бірінші кезекте Қазақстан Республикасының білім және денсаулық сақтау саласындағы мемлекетті кбюджетті басқаруға талдау жасау межеленген.
Сонымен қатар Қазақстан үкіметі шикізат өндіруші саладағы іс-қызметтің ашықтығы туралы бастаманың барлық қырларын жүзеге асыруға, соның ішінде республикадағы шикізат өндіруші салалары - мұнай өндіру, газ өндіру және тау-кен өнеркәсібі секторларындағы компанияларды жаппай қатыстыру, есеп беру құжаттарының шынайылығына қол жеткізу, бастаманы жүзеге асыруды тұрақты қаржыландыруға міндеттеме жүктейді.
Илемдік банк техникалық көмек көрсетіп, ақыл-кеңестер береді.
Қазақстан шикізат өндіруші саладағы ашықтық туралы бастамаға қатысушы елдердің тобына 2005-жылдың қазан айында қосылған. Қазір бастамаға Қазақстанда жұмыс істейтін 46 компания бірікті. Тағы 166 кәсіпорынға үкімет бастамаға қатысу туралы ұсыныс жасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Илемдік банк өзара түсіністік және шикізат өндіруші саладағы іс-қызметтің ашықтығы туралы келісімдерге қол қойды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.