Қазақстан Республикасы Бас Прокурорыныӊ Америка Құрама Штаттарына сапары туралы
Астана. 19 ақпан. Kazakhstan Today - Америка Құрама Штаттарына жасаған сапар шеӊберінде Бас Прокурор Асхат Дауылбаев АҚШ Мемлекеттік хатшысыныӊ айрықша тапсырмалары жөніндегі кеӊесшісі Томас Шэннонмен және Есірткімен күрес жөніндегі басқарма Директоры Мишель Леонхартпен кездесті, деп хабарлайды Kazakhstan Today агенттігініӊ тілшісі.
АҚШ Мемлекеттік хатшысыныӊ кеӊесшісімен өткізілген келіссөз барысында Қазақстанныӊ Бас Прокуроры қазақстандық прокуратураныӊ заӊдылық пен құқықтық тәртіпті, адам құқықтары мен бостандықтарын қорғауды қамтамасыз ету бойынша қызметініӊ негізгі бағыттары туралы баяндады.
Сонымен қатар Қазақстан Бас прокуратурасыныӊ американдық құзырлы органдармен өзара ынтымақтастық қағидасы негізінде қылмысқа қарсы әрекет ету, қылмыстық істер бойынша халықаралық құқықтық көмек көрсету және қылмыскерлерді ұстап беру саласындағы белсенді жұмыстары атап өтілді.
Сұхбаттасушылар қазіргі әлемніӊ жаһандық қауіп-қатерлеріне қарсы тұру мақсатындағы екі ел арасындағы өзара ықпалдастықты бұдан әрі жалғастыруға қатысты пікір алмасты. Экстремизм мен терроризмге қарсы күрес, адам құқықтарын қорғау салаларындағы өзара әрекеттестікке байланысты мәселелер қарастырылып, сондай-ақ экстремизмге қарсы күресте ортақ шешімдер және бірлескен шаралар әзірлеуге бірегей мүмкіндік туғызады деп күтіліп отырған алда өтетін Саммит жұмысы туралы да сөз қозғалды.
Шарттық-құқықтық негізді кеӊейту және нығайту мәселесі сұхбаттыӊ дербес тақырыбына айналды. Қол қоюға дайындаудыӊ еӊ соӊғы кезеӊін өткеріп жатқан Қылмыстық істер бойынша өзара құқықтық көмек туралы екі ел арасындағы шартты жасасу Қазақстан мен Америка Құрама Штаттарыныӊ құқықтық ынтымақтастығын дамытуда айрықша серпін беретінін тараптар атап айтты.
Есірткімен күрес жөніндегі басқарма директорымен болған кездесу барысында есірткі саудасына қарсы күрестегі екіжақты ынтымақтастық мәселелері талқыланып, есірткі транзиті мен жеткізу жолдарын анықтау жөніндегі бірлескен іс-шаралардыӊ нәтижелері атап өтілді.
А.Дауылбаев Нашақорлыққа және есірткі саудасына қарсы күрес жөніндегі салалық бағдарламаны іске асыру аясында заӊсыз есірткі айналымына қарсы әрекет ету бойынша елімізде қабылданып жатқан шаралар туралы мәлімет берді, сонымен қатар Қазақстанныӊ құқық қорғау және арнайы қызметі қызметкерлері үшін Квантико қаласында орналасқан Есірткімен күрес жөніндегі басқарма академиясында оқу семинарлары мен тренингтерін өткізудіӊ маӊыздылығын ерекше атап өтті.
Сұхбаттасушылар трансұлттық есірткі бизнесіне қарсы тұру бойынша одан әрі күш жұмылдыруға, сондай-ақ осы салада жедел ақпарат, тәжірибе және заӊнама алмасуға дайын екендіктерін баса айтты.
Бас прокуратураныӊ баспасөз қызметі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.