Қазақстан Республикасы Қырғызстанның мемлекетаралық су шаруашылығы нысандарын қосымша қаржыландыруға биыл 80 млн теңге бөледі
Қазақстан Республикасы Қырғызстанның мемлекетаралық су шаруашылығы нысандарын қосымша қаржыландыруға биыл 80 млн теңге бөледі
Бішкек. 20 мамыр. "Қазақстан Бүгін" - Қазақстан Республикасы Қырғызстанның мемлекетаралық су шаруашылығы нысандарын қосымша қаржыландыруға биыл 80 млн теңге бөледі. Бұл туралы "Қазақстан Бүгін" агенттігінің тілшісіне Қырғызстанның Өнеркәсіп, энергетика және су ресурстары министрлігі жанындағы су шаруашылығы департаментінен хабарлады.
"Қазақстан жіберілген суға ақы төлемейді. Бірақ, Шу және Талас өзендеріндегі Ортотокой су қоймасы, Киров су қоймасы, Шығыс Шу үлкен каналы, Батыс Шу үлкен каналы және Айналма Шу каналы секілді мемлекетаралық су шаруашылығы нысандарын қосымша қаржыландыруға қатысады.
"Жыл сайын Қазақстан техникалық құрылыстардың жөндеу жұмыстарына әрқилы ақша төлейді. Өткен жылы көршілеріміз 2 млн АҚШ долларын бөлді. Ал биыл 80 млн теңге көлеміндегі ақша бөлу жоспарланып отыр", - деп хабарлады су шаруашылығы департаментінің директоры Баратәлі Қошматов.
Қырғызстанның су энергетикалық кешенінің проблемасына арналған бүгінгі баспасөз мәслихатында Қазақстан мен Өзбектстан су жіберу қызметін жасағаны үшін Қырғызстанға ақша төлеуі керек деген пікірлер айтылды.
Атап айтқанда, энергетика жөніндегі халықаралық сарапшы, Қырғызстан Республикасының Мұнай трейдерлері қауымдастығының басшысы Базарбай Мамбетов көршілес елдер Қырғызстанда өндірілген электр қуатын адам сияқты нарықтық құнымен сатып алуы және төлеуі керектігін атап көрсетті.
Келісімге сәйкес, Қазақстан мен Өзбекстан 6 айдың ішінде кВт-сағатына 1,1 центпен 2,2 млрд кВт-сағат электр энергиясын сатып алады. "Дегенмен олар мұны жасамайды. Ал су алғылары келеді", - деді ол.
Сарапшы сондай-ақ, Өзбекстанда ішкі электр энергиясының бағасы әр кВт-сағатқа 3 - 5 цент аралығында екенін хабарлады.
"Жазда біздің арзан электр энергиямызды сатып алуға бет бұру үшін біз Қазақстан мен Өзбекстанға кепілдендірілген түрде 2 цент шамасындағы бағамен электр қуатын сатуымыз керек деп есептеймін", - деп мәлімдеді ол.
"Бірақ, біздің көршілерімізге жазда су көбірек қалуы үшін қыста Тоқтағұл су қоймасына су жинаған кезімізде су жібергеніміздің ақысын төлеулері керек", - деп мәлімдеді энергтика жөніндегі халықаралық сарапшы.
Б. Мамбетовтың айтуынша, әлемдік тәжірибеде бұл "су жіберу қызметі" деп аталады: өзен арнасының төменгі жағында орналасқан мемлекеттер жоғарыдағы елдерге олардың су жібергені үшін ақы төлеулері керек. "Бұл әлемдік тәжірибе", - деп атап көрсетті ол.
Өз кезегінде "Электр станциялары" ААҚ бүгінгі таңда Қырғызстанның көршілес елдерге электр энергиясын экспорттап отырмағанын хабарлады. "Өткен жылы біз Өзбекстанға әр кВт-сағатқа 1,1 центпен, ал Қазақстанға 1,6 центпен электр қуатын сатқанбыз", - деді "Электр станциялары" ААҚ қызметкерлері.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.