Қазақстан Республикасы Көлік және коммуникация министрлігі мен Еуропалық комиссия арасында көлік желісінің даму саласындағы өзара түсіністік туралы меморандумға қол қойылды
Қазақстан Республикасы Көлік және коммуникация министрлігі мен Еуропалық комиссия арасында көлік желісінің даму саласындағы өзара түсіністік туралы меморандумға қол қойылды
Астана. 12 маусым. "Қазақстан Бүгін" - Қазақстан Республикасы Көлік және коммуникация министрлігі мен Еуропалық комиссия арасында көлік желісінің даму саласындағы өзара түсіністік туралы меморандумға қол қойылды, деп хабарлайды "Қазақстан Бүгін" агентті Қазақстан Республикасы Көлік және коммуникация министрлігінің баспасөз қызметіне сілтеме жасап.
Баспасөз қызметінің ақпаратына сәйкес, бұл құжатқа 2009 жылғы 12 маусымда Қазақстан Республикасының Көлік және коммуникация министрлігінің қолдауымен өткен автомобиль көлігінің халықаралық одағының (АКХО) 5-ші Еуразиялық автокөліктік конференциясы аясында қол қойылды.
Бүгін осы конференцияның қорытындысы бойынша "Ұлы Жібек Жолының жандануы: ниеттен жүзеге асырғанға дейін" тақырыбында баспасөз мәслихаты өткізілді.
Баспасөз мәслихатына Қазақстан Республикасы Көлік және коммуникация министрі Ибілғазы Құсайынов, автомобильдік көліктің халықаралық одағы (АКХО) президенті Януш Лацны, АКХО генералды хатшысы Мартин Марми, ТМД аймағындағы АКХО тұрақты өкілдігінің басшысы Игорь Рунов және Қазақстан Республикасының халықаралық автотасымалдаушылар одағының бас хатшысы Теодор Каплан қатысты.
Баспасөз-конференциясына қатысушылар журналисттерге конференцияны өткізудің негізгі мақсаттары туралы айтып берді. Оның ішінде Еуразиялық құрлықта халықаралық автомобиль қатынасының әрі қарай дамуына байланысты ұсыныстар беру, қатысушы елдердің сәйкес құқықтық жағынан бірыңғайландыру мен үйлесімділігіне қол жеткізу жұмысын ширату және шекарадан өтуді жеңілдету мен өзара келісілген тарифтік саясат жүргізу.
Жалпы форумға әлемнің 43 мемлекетінен 520-дан астам делегат қатысуда. Олар 11 мемлекеттің көлік министрлері және Азия және Тұнық мұхиты аймақтары үшін экономикалық және әлеуметтік мәселе бойынша БҰҰ Комиссиясы (ЭСКАТО), Еуропалық экономикалық комиссия (БҰҰ ЕЭК), Еуропалық комиссия сияқты беделді ұйымдары және көліктік ассоциациялар мен компаниялар басшылары.
Конференция аясында, Жібек Жолының бойында сауда мен автомобиль көлігінің өтуін жеңілдету мәселелері бойынша ұлттық көлік стратегияларды үйлестіру тәртібі талқыланған министрлер мәжілісі өткізілді. Қорытындысында, Қазақстан Республикасы Көлік және коммуникация министрлігі мен Еуропалық комиссия арасында көлік желісінің даму саласындағы өзара түсіністік туралы меморандумға қол қойылды. Бұдан тыс, ҚР Көлік және коммуникация министрі Ибілғазы Құсайынов басқа қатысушы мемлекеттердің көлік басшыларымен және "Эмбраер" компаниясының өкілдерімен бірқатар екі жақты кездесу өткізді.
Форум Жібек жолының қайта өрлеу жобасына қатысушылардың қызметтерін бағдарлау мақсатында Алматы декларациясы аталған Еуразиялық министрлік автокөлік конференциясының Бірлескен мәлімдемесіне қол қою рәсімімен аяқталды.
Бұл құжаттың негізгі міндеті - халықаралық автомобиль көлігі саласында БҰҰ конвенциясын қолдануды жүзеге асыру мен нығайту. Сонымен қатар, бұл жөнінде транзит еркіндігі, алым-салық жүйесінің құжаттау мен рационализациялауды жеңілдету және халықаралық конвенциялардың жұмыс істеуін бекіту мақсатында автомобиль көлігінің халықаралық нарығына шығу мүмкіндігін жеңілдету туралы үкіметтік келісімдерге қол қою жайында Дүниежүзілік Сауда Ұйымының (ДСҰ) ережелерін нығайту жатады. Декларация көлік саласында ұлттық және аймақтық саясатты үйлестіруін, сонымен қатар автомагистраль мен автомобиль жолдары желісінің дамуын, теңізге шыға алмайтын елдердің қажеттіліктерін ескере отырып, ортақ мүдделі біріккен жобаларды іске асыру мен осы саладағы тәжірибе алмасуын реттейді. Көліктің барлық түрін ескере отырып, кешенді енгізілетін технологияларға ерекше назар аударылған. Сонымен қатар, халықаралық жүк тасымалын үздіксіз жүргізуді қамтамасыз ету, оған кезігетін кедергілерді жою мақсатында ынтымақтастықты және құрамды тасымалдау жүйесі мен жүкті қайта тиеу терминалдарын дамытуға бағытталған.
ҚР Көлік және коммуникация министрі Ибілғазы Құсайынов конференция жұмысын қорытындылай келе, оған оң баға берді. АКХО өкілдері де мәселеге нақты шешім табуға ұйымдастыру жұмыстарының жоғары дәрежесін атап өтті. Бұл кездесудің ерекшелігі - конференция аясындағы министрлер мәжілісінің өткізілуі болды. Мұндай форматтағы форум үшінші рет өткізілген болатын. Келесі мәжіліс 2009 жылы Грузияда өткізіледі.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.