АСТАНА. 10 - мамыр. Kazakhstan Today. "Бүгін Қарашығанақ кенішінен қазақстанның газын сатып алу шартына қатысты өте маңызды келісімге қол жеткізілді, бұл Орынбор газ өңдеу зауытының базасындағы біздің бірлескен кәсіпорын құру жоспарын жүзеге асыру аясындағы өте маңызды келісім". Бұл туралы журналистерге "Газпром" ААҚ басқарма төрағасы Алексей Миллер мәлім етті, деп хабарлайды Kazakhstan Today агенттігінің тілшісі.
"Бүгінде аталмыш жобаның алға жылжуына байланысты барлық мәселелер өз шешімін тапқан",- деп атап көрсетті ол. А. Миллер, аталмыш бірлескен кәсіпорынды құру туралы Қазақстан мен Ресей арасындағы келісімнің басты бөлігі "баға мөлшерін келісу" болатындығын атап өтті. "Біз бүгін бірлескен кәсіпорын құруға қатысты барлық шарттар мен осы жоба аясында операторлыққа қатысты түбегейлі келістік",- деді ол.
А. Миллер : "Газпром" мен қазақ әріптестеріміз арасында Қазақстан аумағында бірлесіп газ өндіруден бастап, өңделген газды сыртқы нарықта бірлесе сатуға дейінгі ынтымақтастықты тізбек түрінде жолға қою жөніндегі келісімге қол жеткізілді", деп хабарлады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Республикасы мен Ресей Федерациясы Қарашығанақ кенішінен газ сатып алу туралы келісімге қол жеткізді
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.