Қазақстан Үкіметі мүлікті заңдастырудың заң жобасына енген өзгертулерді мақұлдады - Б.Сұлтанов
Заң жобасында ақша мен мүлікті заңдастырудың нақты мерзімі 2014 жылдың 1 қыркүйегінен бастап 2015 жылдың 31 желтоқсанында аяқтау жоспарланып отыр.
Алматы. 13 мамыр. Kazakhstan today. Бүгін Үкімет отырысында Қаржы министрлігінің басшысы Бақыт Сұлтанов ""ҚР-да тұратын оралмандар мен азаматтарға мүліктерін заңдастыруға байланысты рақымшылық жасау туралы" заң жобасын және мүлікті заңдастыру туралы заң жобасына енгізілетін бірқатар өзгертулерді таныстырды.
Заң жобасында ақша мен мүлікті заңдастырудың нақты мерзімі 2014 жылдың 1 қыркүйегінен бастап 2015 жылдың 31 желтоқсанында аяқтау жоспарланып отыр.
"Қаралып жатқан құжаттарға сәйкес ақша, бағалы қағаздар, заңды тұлғаның капиталындағы үлесті заңдастыру кіреді. Сонымен қатар, заңдастыру нысандарына сан алуан құрылыс нысандары да кіреді.", - деді ведомство басшысы.
Сондай-ақ ол, шетелдегі жылжымайтын мүлікті де заңдастырып алуға мүмкіндік бар, деп ағынан жарылды.
"Жеке қылмыс қорытындысында алынған мүлік заңдастыруға жарамайды. Оның ішінде жеке басқа қарсы қылмыс пен пара алу әрекеті, өзге тәртіп бұзушылықтар, мемлекеттік қызмет қызығушылығына қайшы келетін әрекеттер орын алған жағдайда заңдастыру үрдісін жүргізу мүмкін емес", - деді Б. Сұлтанов.
Қаржыны заңдастыру бойынша ұсынылып отырған үрдістер екінші деңгейлі банктерде ашылатын арнайы жинақтық салымдарға қойылады.
"Одан әрі азаматтар заңдастырудың өзге де жолдарын таңдауға құқылы. Егер де ақшаны заңдастырғалы жатқан азамат аталған инвестициялау тәртіптерін орындауға құлқысы болмаса, өзінің қаражатын игеруге толық құқығы бар. Тұтынушыға осы сынды қаржыны берер кезде екінші деңгейлі банктер салымның 10 пайызын ұстап қалады", - деді ол.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.