Қазақстан және Украинаның қаржылық бақылау жөніндегі жоғарғы органдары осы жылдың қыркүйек-желтоқсан айларында параллельді аудит жүргізеді
Қазақстан және Украинаның қаржылық бақылау жөніндегі жоғарғы органдары осы жылдың қыркүйек-желтоқсан айларында параллельді аудит жүргізеді
Астана. 4 тамыз. "Қазақстан Бүгін" - Қазақстан және Украинаның қаржылық бақылау жөніндегі жоғарғы органдары осы жылдың қыркүйек-желтоқсан айларының арасында параллельді аудит жүргізеді, деп хабарлайды агенттік тілшісі Есеп комитетінің баспасөз қызметіне сілтеме жасап.
Баспасөз қызметінің ақпаратына сәйкес, Алматыда Қазақстанның Есеп комитетінің төрағасы Омархан Өксікбаев пен Украина Есеп палатасының төрағасы Валентин Симоненконың жұмыс кездесуі болып өтті.
Қазақстан және Украинаның қаржылық бақылау жөніндегі жоғарғы органдарының басшылары осы жылдың қыркүйек-желтоқсан айларының арасында жүргізілетін параллельді аудитті ұйымдастыру мәселелерін талқылады. Есеп комитеті және Есеп палатасының сарапшылары төтенше жағдайларды, оның ішінде техногендік сипаттағы төтенше жағдайларды жоюға бөлінген бюджет қаражатын пайдалануды жоспарлау, игеру және бақылаудың тиімділігін ортақтаса зерттеп, бағалайды. Параллельді аудит Қазақстан Есеп комитеті мен Украина Есеп палатасының арасындағы ынтымақтастық туралы келісімді іске асыруға байланысты іс-шаралар жоспарына сәйкес жүргізілетін болады.
Сонымен қатар, кездесу барысында Омархан Өксікбаев пен Валентин Симоненко мемлекеттік қаржылық бақылау мәселелері жөнінде тәжірибе алмасудың келешегін қарастырды. Сондай-ақ, олар кәсіптік оқыту және кадрлардың біліктілігін арттыру саласында да ынтымақтастықтың қажеттігін атап өтті.
Қазақстанның Есеп комитеті мен Украинаның Есеп палатасы ынтымақтастық жөніндегі келісімді 2006 жылы Киев қаласында жасаған болатын.
Украина Есеп палатасы - 1996 жылы құрылған қаржылық бақылаудың жоғары органы.
Қазақстанның Есеп комитеті мемлекеттік қаржылық бақылаудың жоғары органы болып табылады, ол республикалық бюджеттің атқарылуына, гранттардың, мемлекет активтерінің, мемлекет кепілдік берген қарыздардың, мемлекеттік мекемелердің тауарларды (жұмыстар мен көрсетілетін қызметтерді) өткізуден түскен өз иелігінде қалатын ақшаның пайдаланылуына сыртқы бақылау жасап, бағалау жүргізеді .
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.