Қазақстан жартылай өңделген шикізат экспорттаушы рөлінде қала беретін тәуекелдің алдында тұр - Назарбаев
Астана. 4 желтоқсан. Kazakhstan Today - Қазақстан технологиялық дамуда кенжелеп қалуға байланысты жартылай өңделген шикізат экспорттаушы рөлінде қала беретін тәуекелдің алдында тұр. Бұл туралы Елбасы Нұрсұлтан Назарбаев бүгін Шетелдік инвесторлар кеңесінің жалпы мәжілісінің қорытындысы бойынша мәлімдеді, деп хабарлайды Kazakhstan Today.
Мемлекет басшысының пікірінше, технологияны дамытудағы басты кедергілер "үкіметте технологиялық проблемалар мен экономикалық салалардың проблемаларын айқын түсінушіліктің болмауы, соған сәйкес, оларды шешудің айқын тұжырымдалған мақсаттары мен тетіктерінің болмауына саяды".
"Бүгінгі ғылым нақты сектордағы компаниялардың сұраныстарынан алыстап кеткен", - деді Н. Назарбаев. Осыған байланысты президент қазір "Қазақстан ғылымын басқару түбегейлі өзгертіліп жатқанын" атап өтті. "Біз бірнеше сатылы тосқауылдарды алып жатырмыз. Изірге зерттеуші немесе жаңалық иесі қаржыға қол жеткізгенге дейін бес сатыдан өтеді. Біз оның жолындағы төрт тосқауылды алып, ол бірден ғылыми кеңеске жетіп, жобасын мақұлдату арқылы жұмысқа кірісе алатындай жағдай жасап жатырмыз", - деді ол.
Мемлекет басшысы проблемалардың қатарында "ғылыми жаңалықтарды іс жүзіне асыру тетіктерінің жоқтығын" да атады.
Сонымен бірге, оның айтуынша, "шетелдік инвесторлар Қазақстанда технологиялық біліктілікті қалыптастыруға ешбір күш-жігер ұсынып отырған жоқ". "Мен нәтижесі өнеркәсіпке енгізілген толыққанды технологиялық трансферттің немесе бірлескен зерттеу бағдарламаларының бір де айқын мысалын айта алмаймын", - деді президент.
"Меніңше, жұмыстар дұрыс ұйымдастырылған жағдайда осының бәрі шешімін табады", - деді ол.
"Технологиялар мен жабдықтар импорттау аса тиімді, алайда, сонымен біруақытта отандық инженерлік базаны дамытумен айналыпайтын болсақ, онда біз шикізат экспорттаушының, немесе ең ары кетсе, жартылай өңделген шикізат экспорттаушының рөлінде қала беретін түріміз бар", - деді президент.
Н. Назарбаевтың айтуынша, бұл салада "проблемалар шаш-етектен, оларды шешу керек".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.