Қазақстан жеткілікті мөлшерде республиканың өз ішінде өндірілетін негізгі азық-түлік өнімдерін сырттан әкелудің кедендік баж салығын ұлғайтты (толықтырылған)
Қазақстан жеткілікті мөлшерде республиканың өз ішінде өндірілетін негізгі азық-түлік өнімдерін сырттан әкелудің кедендік баж салығын ұлғайтты (толықтырылған)
Астана. 19 мамыр. "Қазақстан Бүгін" - Қазақстан жеткілікті мөлшерде республиканың өз ішінде өндірілетін негізгі азық-түлік өнімдерін сырттан әкелудің кедендік баж салығын ұлғайтты. Бұл туралы бүгін Қауіпсіздік кеңесінің отырысынан кейін өткен брифингте еліміздің Ауылшаруашылығы министрі Ақылбек Күрішбаев мәлім етті, деп хабарлайды "Қазақстан Бүгін" агенттігінің тілшісі.
"Қазақстан өзін-өзі қамтамасыз ететін барлық азық-түлік өнімдері бойынша біз кедендік баж салығын өсіреміз. Негізгі азық-түлік өнімдері бойынша техникалық регламент енгізіледі. Сөйтіп біз ішкі нарықты импорттан қорғайтын боламыз", - деді А. Күрішбаев.
Оның хабарлауынша, бұған қоса, "нарықты терең өңделген өніммен қанықтыру аясында субсидиялардың бағдары өзгертіліп, нарықты тиісті өніммен қамтамасыз ету үшін субсидия бөлу механизмі өзгертілетін болады". "Ендігі жерде өңдеу өнеркәсібіне бағытталатын өнімге ғана (ет, сүт) субсидия бөлінеді. Сөйтіп біз қолда бар өңдеуші кәсіпорындарды іске қоса аламыз", - деді министр.
Бұған қоса ҚР Ауылшаруашылығы министрінің ақпаратына сәйкес, Қазақстанда "терең өңделген азық-түлік өнімдерінің проблемасы бар". "Біз сүт өнімдерінің 40%, ет өнімдерінің 29% және жеміс-көкөніс өнімдерінің 43% жуығын сырттан әкелеміз", - деді А. Күрішбаев.
Оның пікірінше, оған екі себеп бар: "өңдеуші кәсіпорындарға қажетті сапалы шикізат жоқ", "және екіншіден, еліміздегі өңдеуші кәсіпорындарды біздің негізгі бәсекелестеріміздің деңгейіне дейін көтеру қажет", - деді министр.
Оның айтуынша, " бұл - қазір үкімет жұмыс істеп жатқан басты екі міндет". "Осыған байланысты бірінші мақсатты шешу үшін "ҚазАгро" бағдарламасының аясында сүт фермаларын, мал бордақылау алаңдарын салу, тамшылап суару, көкөніс шаруашылығын дамыту жобалары жүзеге асырылуда. Жылыжайларда ерте пісетін көкөністер өсіріледі, демек, біз елімізді ерте пісетін көкөністермен және тиісті өңдейтін шикізатпен қамтамасыз ету мәселелрін шешетін боламыз", - деді А. Күрішбаев.
Сонымен бірге, оның хабарлауынша, бүгін мемлекет басшысы азық-түлік қауіпсіздігі жөніндегі кеңесте "аграрлық саясаттың басты бағыттарын айқындап берді". "Бұл, бірінші кезекте, Агроөнеркәсіптік кешеннің ең бір осал тұсына жататын өңдеуші кәсіпорындарды дамыту, ғылыми сыйымдылығы жоғары өнімдерді енгізу, "ҚазАгроға" бөлінген қаржыны тиімді пайдалану", - деді ол.
Президенттің баспасөз қызметінің хабарлауынша, талқылау қорытындысы бойынша үкіметке және жекелеген мемлекеттік органдарға нақты тапсырмалар берілді. Олардың орындалуын қадағалау Қауіпсіздік кеңесінің хатшылығына жүктелді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.