Қазақстанда 2015 жылы мұнай және газ конденсатын өндіру көлемі 95 млн тоннаны құрайды
Қазақстанда 2015 жылы мұнай және газ конденсатын өндіру көлемі 95 млн тоннаны құрайды, деп хабарлайды Kazakhstan Today агенттігінің тілшісі.
Астана. 15 - наурыз. Kazakhstan Today - Қазақстанда 2015 жылы мұнай және газ конденсатын өндіру көлемі 95 млн тоннаны құрайды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Үкіметтің 2011 жылғы 14 ақпандағы №134 қаулысымен Қазақстан Республикасы Мұнай және газ министрлігінің 2011-2015 жылдарға арналған стратегиялық жоспары бекітілген. Қаулы қол қойылғаннан күннен бастап күшіне енді және оның толық мәтіні ресми баспасөз беттерінде жариялануға жатады.
Қазақстандық мұнай экспортының көлемін 2015 жылға 84 миллион тоннаға дейін жеткізу жоспарлануда, деп көрсетілген дүйсенбіде ресми басылымдарда жарияланған Қазақстанның мұай және газ министрлігінің стратегиялық жоспарында.
?
Мұнай және газ министрлігінің стратегиялық жоспарына сәйкес, 2010 жылы Қазақстан сыртқы нарыққа шамамен 71 миллион тонна мұнай жеткізді. Үстіміздегі жылы 72 миллион тоннаға дейін экспортқа шығару жоспарлануда. 2012-2013 жылдары экспортқа 74 миллион тонна шығару жоспарлануда.
"Қазақстанның экспорттық және транзиттік әлеуетін дамыту мемлекеттік саясаттың бірден-бір негізгі бағыты болып табылады. Жаңа экспорттық жүйе құру және қазіргісін кеңейту жұмысы бүгінгі күні өзекті болып отыр", - деп көрсетілген стратегиялық жоспарда.
"Мұнай мен газ конденсатын теңгерімді өндіру кезінде мұнай құбырларын кенейту жобаларын ескере отырып, экспорт мынадай негізгі КТК және Қазақстан-Қытай бағыттары бойынша ұлғайтылатын болады",- деп атап көрсетілген.
Министрліктің болжамы бойынша Қазақстан 2015 жылға мұнай өндіру көлемін 95 миллион тоннаға дейін жеткізеді. Үстіміздегі жылы 81 миллион тонна өндіру жоспарлануда.
"Мұнай өндіру көлемінің баланстық өсуін 2015 жылы 18,5 млн. тоннаға қамтамасыз ету (2009 жылға 124,2 %)", - деп көрсетілген құжатта.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.