АСТАНА. 16-шілде. Kazakhstan Today. Қазақстанда заңдастырылған мүліктің жалпы құны 500 млрд теңге болды. Бұл туралы бүгін үкіметте өткен селекторлық жиында ҚР Қаржы министрлігінің салық комитетінің төрағасы Нұрлан Рахметов құлағдар етті, деп хабарлайды Kazakhstan Today тілшісі.
"12-шілдеддегі жағдаймен еліміз бойынша заңдастырылған мүліктің жалпы құны 500 млрд теңге немесе 4,1 млрд доллар болды",- деді Н.Рахметов.
Салық комитетінің ақпаратына сәйкес, бұл қаржының 49%-і - 245,6 млрд теңге, немесе $2 млрд. - ақшалай қаражат . Н. Рахметовтың айтуынша, жеке тұлғалар 243,4 млрд теңгені заңдастырды. Заңдастырылған мүліктің ең жоғары көлемі (195,1 млрд теңге) Алматыда, 18,9 млрд теңгесі Астанада, 19,3 млрд теңгесі шетелдерден келген. Сонымен бірге 13,8 млрд теңгенің қнды қағаздары, 4,1 млрд теңгенің шетелдердегі жылжымайтын мүлкі, 4,2 млрд теңгенің көліктері заңдастырылды.
"Салық органдары арқылы 48,2 млрд теңгенің мүлкін заңдастыруға 464 мың өтініш түскен, жалпы республикалық бюджетке түрлі мүлікті заңдастырудан 27,9 млрд теңгенің алымдары жиналды",- деді Н.Рахметов.
Өз кезегінде әділет министрі Зағипа Балиева 12-шілдедегі жағдаймен заңдастырылған жылжымайтын мүліктің жалпы саны 367 мың нысанға жеткенін хабарлады. "Оның ішінде 979 555 тұрғын үй, кеңсе түріндегі 387 602 нысан тіркелді", - деді З. Балиева. Оның айтуынша, заңдастырылған жылжымайтын мүлік нысандарының жалпы құны 209 млрд 414 млн 637 мың теңге, жылжымайтын мүлікті заңдастырғаны үшін жиналған аламдар мөлшері 1 млрд 24 млн 374 мың теңгені құрады.
Селекторлық жиын барысында премьер-министр Кәрім Мәсімов шара аяқталғанға дейін екі апта қалуға байланысты мүдделі мекемелердің жетекшілеріне жекешелендіру мәселелеріне баса назар аударуды тапсырды. "Бұл мәселенің маңызына сәйкес 23 және 30-шілдеде өтетін екі селекторлық жиында заңдастыру қарқыны мен туындаған проблемалар жайында баяндап отырыңыздар",- деді ол.
"Осы мүмкіндікті пайдаланып еліміздің тұрғындарынан өзжерінің заңды мүмкіндіктерін, мүлкін заңды түрде жариялы болдыру мүмкіндігін пайдалануды сұраймын. Екі апта ғана қалды, бұдан кейін ешкімде де мұндай екінші мүмкіндік болмайды",- деді К.Мәсімов.
Мүлікті заңдастыру шарасы 2007-жылдың 1-тамызына дейін жалғасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда 500 млрд теңгенің мүлкі заңдастырылды - Қаржы министрлігі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.