Қазақстанда ақпан айындағы инфляция 1,5 пайызды құрады
Астана. 1 - наурыз. Kazakhstan Today - Қазақстанда 2011 жылдың ақпан айындағы инфляция 1,5 пайызды құрады, деп хабарлайды Kazakhstan Today агенттігінің тілшісі Статистика агенттігінің баспасөз қызметіне сілтеме жасай отырып.
ҚазАқпарат агенттігінің хабарлауынша, баға азық-түлік тауарларына өткен айда 2, азық-түлік емес тауарларға - 0,2, ақылы қызмет көрсетулерге - 2,2 пайызға өскен.
"Өткен айда бағаның өсуі нан және жарма өнімдеріне 1,8, ал қарақұмық жармасына - 19,6, сөкке - 5,6, ұнға - 4,3, арпаға - 4, макарон өнімдеріне - 1,8, ұнға 0,4 пайызға белгіленді. Жаңа жиналған көкөніс 8,5, картоп - 3,5, жеміс - 2,9 пайызға қымбаттады. Баға деңгейі қантқа 5,4, шикі сүтке - 3,6, май және тоңмайға - 2,4, ет және құс етіне - 2,1, ашыған сүт өнімдеріне 1,7 пайызға жоғарылады", - делінген баспасөз хабарламасында.
Сондай-ақ баға өсімі фармацевтика өнімдеріне, жуғыш және тазалағыш құралдарға 0,3, киім мен аяқ киімге, жеке күтімге арналған тауарларға - 0,4, ыдысқа 0,5 пайызды құраған.
Ал шаштараздар мен жеке қызмет көрсету орындарына 1,3, мейрамханалар мен қонақ үйлер, денсаулық сақтау қызметтеріне - 0,9, мәдениет - 0,6, білім беру - 0,3, көлік қызметтеріне 0,2 пайызға өскен. Байланыс қызметтері 11 пайызға артқан.
Тұрғын үй коммуналдық қызмет көрсетулер саласында тарифтер тұрғын үйді ұстауға 3,9, суық суға - 3,2, кәрізге - 2,6, орталықтан жылытуға - 2,5, қоқыс жинауға - 2,3, электр энергиясына - 2,2, ыстық суға - 1,8, бөлінетін желілер бойынша тасымалданатын газға 0,3 пайызға қымбаттаған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.