Қазақстанда бағдарламалық қамтамасыз ету жүйесі құрылады
Алғаш рет Қазақстанда 9-11 желтоқсан аралығында Алматыдағы Халықаралық ақпараттық технологиялар университетінде Қазақстан студенттері арасында еркін және ашық бағдарламалық қамтамасыз ету бойынша чемпианат өтуде. Бұл туралы "Зерде" Ұлттық инфокоммуникация холдингі" АҚ баспасөз қызметінен хабарлады.
Астана. 10-желтоқсан. Kazakhstan Today - Қазақстанда өзіндік бағдарламалық қамтамасыз ету жүйесі құрылады, деп хабарлайды Kazakhstan Today агенттігінің тілшісі.
ҚазТаг ақпараттық агенттігінің хабарлауынша, алғаш рет Қазақстанда 9-11 желтоқсан аралығында Алматыдағы Халықаралық ақпараттық технологиялар университетінде Қазақстан студенттері арасында еркін және ашық бағдарламалық қамтамасыз ету бойынша чемпианат өтуде. Бұл туралы "Зерде" Ұлттық инфокоммуникация холдингі" АҚ баспасөз қызметінен хабарлады.
2011 жылғы 9 желтоқсанда сағат 10.00-де аталмыш чемпионат аясында Қазақстан Республикасында еркін және ашық бағдарламалық қамтамасыз етуді енгізу және дамытуға арналған баспасөз-мәслихаты өтті.
Аталмыш конференцияға "Зерде" ұлттық инфокоммуникация холдингі" АҚ Басқарма Төрағасының орынбасары Бикеш Құрманғалиева, Халықаралық ақпараттық технологиялар университетінің ректоры Дамир Шыныбеков, еркін және ашық бағдарламалық қамтамасыз ету бойынша тәуелсіз сарапшы Каринэ Котоянц қатысты.
Еркін бағдарламалық қамтамасыз ету (ЕБҚ) бағдарлама кодын шектеусіз орнатуға және іске қосуға, еркін түрде пайдалануға және зерттеуге, таратуға және өзгертуге мүмкіндік береді. ЕҚБ ең көп тараған Apache веб-сервері мен әйгілі Википедияның негізін қалған. Еуропадағы көптеген мемлекеттік мекемелер бүгінгі таңда ЕБҚ-ға көшкен, бірқатарының көшу ниеті бар. Сондай-ақ, Қытай және Үндістан сынды континенттің азиялық бөлігінде орналасқан мемлекеттер де ЕБҚ-ға көшуде. Еркін бағдарламалық қамтамасыз етуді кез-келген компьютерге еркін түрде орнатуға және пайдалануға болады. Мұндай БҚ барлық жерлерде: мектептер, кеңселер, ЖОО, дербес компьютерлер және барлық коммерциялық емес және мемлекеттік ұйымдар мен мекемелерде еркін қолданысқа ие.
Баспасөз мәслихаты барысында Бикеш Құрманғалиева: "Елімізде ЕБҚ пайдалану тәжірибесін енгізу отандық ІТ-саласын бәсекеге қабілетті етеді, сондай-ақ, бюджеттік қаражатты үнемдеуге оң ықпалын тигізеді. Кодтардың әзірлеушілер үшін ашық және қолжетімді болуы ақпараттық қауіпсіздікті, ақпараттық өнімдердің сапасын арттыруға, инновацияларды дамытуға және елімізде меншікті БҚ пайда болуын қамтамасыз етеді", - деп атап өтті.
Демек, ол "бұл проблеманы шешу үшін Қазақстан екі бағыт бойынша қадам жасау керек. Біріншісі, мемлекеттік ақпараттық жүйелерге ашықтық және стандарттарға сәйкестік деңгейі бойынша нақты талаптарды ұсынатын нормативтік-техникалық реттеуді әзірлеуді мемлекеттік қолдаумен қамтамасыз ету. Екіншіден, еркін бағдарламалық қамтамасыз етуді пайдалануды ынталандыруды қамтамасыз ету. Бұл мемлекетке бірқатар артықшылықтарды ұсынады - еркін тираждау мүмкіндігімен байланысты экономикалық артықшылықтардан бастап технологиялық және саяси артықшылықтарға дейін (технологиялық саясаттағы үлкен дербестік)" екендігін баса көрсетті.
"Шешімдердің бірі "Зерде" холдингімен ұсынылған Қазақстан Республикасында еркін бағдарламалық қамтамасыз етуді кеңінен пайдалануды дамыту бойынша бағдарлама жобасы болуы мүмкін", - деп ұсыныс жасады.
Сонымен қатар, "бағдарламаның жобасы талқылауды және кездесу қатысушыларының тарапынан ұсыныстар енгізуді талап ететін жұмыс нұсқасы болып табылады", - деді Құрманғалиева ханым.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.