АСТАНА. 17-қаңтар. Kazakhstan Today. Қазақстанда биыл экспорт пен инвестицияларды қолдау жөніндегі корпорация құрылады. Бұл туралы бүгін өткен баспасөз мәслихатында "Қазына" тұрақты даму қоры" АҚ басқармаларының төрағасы Қайрат Келімбетов құлағдар етті, деп хабарлайды Kazakhstan Today тілшісі.
"Корпорация "Маркетингтік-талдамалық зерттеулер орталығы" АҚ мен "Қазақстанның инвестицияларға қолдау көрсету жөніндегі орталығы" ЖШС-ін біріктіру арқылы құрылады",- деді Қ.Келімбетов. Оның айтуынша, жаңадан құрылатын корпорация "Қазақстан экспортын шетелдерге шығаруға және ел экономикасының шикізаттан басқа салаларын дамыту үшін басқа елдерден инвестициялар тартуға түрткі болу" мақсатын көздейтін болады.
Ал "Маркетингтік-талдамалық зерттеулер орталығы" АҚ төрағасының кеңесшісі Гаяне Африкянның айтуынша, жаңа корпорацияны құрудағы басты мақсат - еліміздегі шетелдік компаниялардың инвестициялық іс-қызметтерін қолдау арқылы инвестициялық ахуалды жақсарту, қазақстандық кәсіпорындардың экспорттық іс-қызметіне қолдау көрсету болып табылады. Ол отандық және шетелдік кәсіпорындар арасында іскерлік байланыстар орнатуға қолдау көрсету міндетін атқармақ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда биыл экспорт пен инвестицияларды қолдау жөніндегі корпорация құрылады - Келімбетов
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.